मुंबई: बॉलिवूड अभिनेत्री सोशल मीडियावर खूप सक्रिय असते. ती तिचं रील आणि रिअल लाइफमधील वेगवेगळ्या गोष्टी चाहत्यांसोबत सोशल मीडियावर शेअर करताना दिसते. कोणत्याही सेलिब्रेटीचे जसे चाहते असतात. तसेच असे अनेक लोक असतात ज्यांना हे सेलिब्रेटी अजिबात आवडत नाहीत. अशाच एका युजरनं दीपिकाला पर्सनल मेसेज करत शिव्या द्यायला सुरुवात केली. पण त्यानंतर दीपिकानं जे केलं ते खरंच कौतुकास्पद आहे. युझरनं अशाप्रकारे अपशब्दांचा वापर करत मेसेज केल्यावर दीपिकानं त्याला थेट कोणतीही प्रतिक्रिया दिली नाही. मात्र तिनं त्या युझरला चांगलाच धडा शिकवला आहे. दीपिकानं त्याच्या मेसेजचे स्क्रिनशॉट काढून तिच्या इन्स्टाग्रामवर स्टोरीवर शेअर केले आणि यासोबतच तिनं या फोटोला कॅप्शनही दिलं आहे. तिनं लिहिलं, 'छान! तुझे कुटुंबीय आणि मित्रांना तुझा नक्कीच अभिमान वाटेल.' साहिल शाह नावाच्या या युजरनं दीपिकाला अपशब्द वापरून मेसेज केले होतं. त्याचं लोकेशन मुंबईत असल्याचं दाखवत आहे. दीपिकाच्या वर्कफ्रंटबद्दल बोलायचं तर ती लवकरच '८३' या चित्रपटात दिसणार आहे. या चित्रपटाचं शूटिंग आणि इतर सर्व कामं आटोपली आहेत मात्र करोनाच्या काळात या चित्रपटाचं प्रदर्शन पुढे ढकलण्यात आलं. या चित्रपटात दीपिका माजी क्रिकेट कर्णधार कपिल देव यांची पत्नी रोमी भाटिया यांची व्यक्तिरेखा साकारत आहे. तर रणवीर सिंग कपिल देव यांच्या भूमिकेत दिसणार आहे. याशिवाय दीपिकाकडे शाहरुख खानचा 'पठाण', हृतिक रोशनचा 'फायटर' हे चित्रपट आहेत. तसेच महाभारतावर आधारित चित्रपटात ती दिसणार आहे. ज्यात ती द्रौपदीची भूमिका साकारणार आहे. याशिवाय सिद्धांत चतुर्वेदीसोबत एका चित्रपटाचं शूटिंग सध्या ती करत आहे. ज्याच्या नावाची अद्याप घोषणा झालेली नाही.
from Marathi Bollywood News, Marathi Cinema News https://ift.tt/3tXPJYw
