मुंबई: १५ फेब्रुवारीला बिझनेसमन वैभव रेखीसोबत लग्नाच्या बेडीत अडकली. त्याचं हे लग्न अत्यंत साध्या पद्धतीनं आणि मोजक्या लोकांच्या उपस्थितीत पार पडलं. पण या सगळ्यात एक गोष्ट मात्र खूप खास होती ज्या गोष्टीनं सर्वाचं लक्ष वेधून घेतलं. ते म्हणजे दिया आणि वैभवचं लग्न एका महिला पुजारींनी लावलं. दियानं सोशल मीडियावर तिच्या लग्नाचे फोटो शेअर केल्यानंतर ही गोष्ट समोर आली. दियानं लग्नानंतर सोशल मीडियावर या लग्नाचे फोटो शेअर केले. ज्यातील एका फोटोमध्ये एक वयस्कर महिला मंत्र पठण आणि विधी करताना दिसत आहे. हा फोटो शेअर करताना दियानं लिहिलं, 'आमच्या लग्नाचे सर्व विधी संपन्न केल्याबद्दल धन्यवाद शीला अट्टा आम्हाला अभिमान वाटतो की, तुमच्या आशीर्वादांनी आम्ही आमच्या वैवाहिक जीवनाची सुरुवात करत आहोत.' दियाचं लग्न मुंबईतील तिच्या घरी झालं होतं. तिच्या लग्नात दोघांचेही जवळचे मित्र आणि कुटुंबीयांना आमंत्रित करण्यात आलं होतं. लग्नानंतर दियानं सोशल मीडियावर लग्नाचे फोटो शेअर केले आहेत. या फोटोंच्या कॅप्शनमध्ये तिनं लिहिलं, प्रेम एका चक्राप्रमाणे आहे ज्याला आपण घर म्हणतो. याचा आवाज ऐकणं, त्याच्यासाठी मनाचे दरवाजे खोलणं आणि त्याला स्वीकारणं किती जादुई आहे. दियानं पुढे लिहिलं, स्वतःचं जीवन संपूर्ण होतं असतानाचे हे क्षण तुमच्या सर्वासोबत शेअर करत आहे. माझं कुटुंब वाढलं आहे. देव करो की, प्रत्येक तुकड्याला त्याला पूर्ण करणारा दुसरा तुकडा मिळो. सर्व अपूर्ण असणाऱ्या गोष्टी पूर्ण होवो. आणि प्रेमाची जादू अशी सर्वांभोवती फिरत राहो. दियानं सोशल मीडियावर शेअर केलेल्या एका फोटोमध्ये एक महिला पुजारी हवन करताना दिसत आहेत. तर दिया आणि वैभव हवन कुंडात आहुती देताना दिसत आहेत. तर त्यांच्या बाजूला बसलेल्या पुजारी महिला कुंडात तूपची आहुती देताना दिसत आहेत. या फोटोमुळे दियाचं सोशल मीडियावर खूप कौतुक करत आहेत.
from Marathi Bollywood News, Marathi Cinema News https://ift.tt/3bgO8Er
