मुंबई: बिग बॉस १४ चा स्पर्धक शोच्या सुरुवातीपासूनच काही ना काही कारणानं चर्चेत राहिला आहे. काही दिवसांपूर्वी म्हणजे व्हॅलेंटाइन डेला त्याची गर्लफ्रेंड दिशा परमारनं बिग बॉस हाऊसमध्ये हजेरी लावली होती. यावेळी या दोघांची रोमँटिंक केमिस्ट्री सर्वांनाच पाहायला मिळाली. एवढंच नाही तर राहुलनं शोमध्येच सर्वांसमोर दिशाला लग्नासाठी प्रपोज केलं आणि तिनंही ते स्वीकारलं. पण त्यानंतर काही युझर्सनी मात्र दिशा-राहुलला ट्रोल देखील केलं. पण आता एका युझरनं दिशाला सोशल मीडियावर चिडवण्याचाही प्रयत्न केला. बिग बॉस हाऊसमध्ये निक्की आणि राहुलची मैत्री तर सर्वांनाच माहित आहे. पण आता यावरूनच एका युजरनं राहुलची गर्लफ्रेंड दिशा परमारला सोशल मीडियावर चिडवण्याचा प्रयत्न केला. नुकतंच दिशानं तिच्या चाहत्यांसोबत गप्पा मारण्यासाठी ट्विटरवर #AskDisha सेशन ठेवला होता. यावेळी एका युझरनं ट्विटरवर 'राहुल वैद्य आणि यांची जोडी खूप हॉट दिसते' असं म्हणत दिशाला चिडवण्याचा प्रयत्न केला. पण दिशानं त्याला जसं उत्तर दिलं त्यावर सर्वच तिचं कौतुक करताना दिसत आहेत. आपल्या बॉयफ्रेंडसोबत दुसऱ्या कोणाचंही नाव जोडल्यावर कोणालाही राग येईल पण युझरच्या या ट्विटवर दिशा अजिबात चिडली नाही. याउलट तिनं हटके अंदाजात त्या युझरच्या ट्वीटला रिप्लाय दिला आहे. दिशानं त्याला रिप्लाय करताना लिहिलं, 'मला वाटतं निक्की तशीही नेहमीच खूप हॉट दिसते.' दिशाचं हे ट्वीट सध्या सोशल मीडियावर खूप व्हायरल होताना दिसत आहे. ज्याप्रकारे तिनं त्या ट्रोलरची बोलती बंद केली आहे आणि त्याला न चिडता उत्तर दिलं आहे ते खरोखरंच कौतुकास्पद आहे. राहुल आणि दिशाच्या नात्याबद्दल बोलायचं तर दिशा आणि राहुल मागच्या काही वर्षांपासून एकमेकांना डेट करत आहेत. आता नॅशनल टेलिव्हिजनवर राहुलनं दिशाला लग्नासाठी प्रपोज केलं आहे. त्यामुळे बिग बॉसच्या घरातून बाहेर पडल्यावर लगेचच हे दोघं लग्नाच्या बेडीत अडकणार असल्याचं बोललं जात आहे. विकेंड का वारमध्येही दिशानं राहुलला सरप्राइज देत त्याच्याशी लग्न करण्याची इच्छा बोलून दाखवली होती. तसेच त्याच्या घरी परतण्याची मी वाट पाहत आहे असंही तिनं यावेळी म्हटलं होतं.
from Marathi Bollywood News, Marathi Cinema News https://ift.tt/3arruKl
