मुंबई- बॉलिवूड अभिनेते , अभिनेता इम्रान हाशमी आणि अभिनेत्री यांच्या '' चित्रपटाच्या प्रदर्शनाच्या तारखेची घोषणा झाली आहे. चित्रपटाच्या निर्मात्यांनी सोशल मीडियावर पोस्टर रिलीज करत याबाबत माहिती दिली आहे. हा चित्रपट ३० एप्रिल रोजी चित्रपटगृहांमध्ये प्रदर्शित होणार आहे. विशेष म्हणजे चित्रपटाच्या पोस्टरमध्ये इम्रान, अमिताभ यांच्याशिवाय क्रिस्टल डिसूजा, अनु कपूर आणि रघुबीर यादव या अभिनेत्यांचादेखील समावेश आहे. परंतु, प्रेक्षकांना सतावणारा प्रश्न म्हणजे, पोस्टरमध्ये न दाखवण्यात आलेली मुख्य अभिनेत्री. चित्रपटाच्या पोस्टरवरून रिया चक्रवर्तीला वगळण्यात आलं आहे. चित्रपटाच्या निर्मात्यांनी इन्स्टाग्रामवर पोस्टर शेअर करत त्यावर लिहीलं, 'अमिताभ- इम्रान यांच्या 'चेहरे' ला मिळाली प्रदर्शनाची तारीख. या चित्रपटातून अमिताभ आणि इम्रान पहिल्यांदा एकत्र काम करणार आहेत. दिग्दर्शक रुमी जाफरी दिग्दर्शित हा चित्रपट ३० एप्रिल रोजी प्रदर्शित होईल. ज्याची निर्मिती आनंद पंडित मोशन पिक्चर द्वारे करण्यात येत आहे.' असं कोणतं कारण आहे ज्यामुळे रियाला चित्रपटाच्या पोस्टरपासून दूर ठेवण्यात आलं आहे, हे तर चित्रपटाचे निर्मातेचं सांगू शकतील. इतकंच नाही तर, चित्रपटाच्या कलाकारांच्या यादीत देखील रियाचं नाव नसल्याचं दिसून येतंय. याआधी, हा चित्रपट ओटीटी प्लॅटफॉर्मवर प्रदर्शित करण्याचा निर्णय घेण्यात आला होता. सिनेमाच्या निर्मात्यांना अनेक ओटीटी प्लॅटफॉर्मकडून उत्तम ऑफरही देण्यात आली होती. असं म्हटलं जातं की, हॉटस्टारने निर्मात्यांना चांगली रक्कम देऊ करत चित्रपट प्रदर्शित करण्याची तयारी दाखवली होती. परंतु, आता चित्रपट मोठ्या पडद्यावर प्रदर्शित होणार असल्याची माहिती चित्रपटाच्या निर्मात्यांनी दिली आहे.
from Marathi Bollywood News, Marathi Cinema News https://ift.tt/3qPXCNx
