मुंबई: बॉलिवूड असो किंवा मग दाक्षिणात्य चित्रपटसृष्टी आपल्या आवडत्या कलाकारासाठी त्यांच्या चाहत्यांचं प्रेम तर नेहमीच पाहायला मिळत. पण काही वेळा सेलिब्रेटींसाठी चाहते समस्यासुद्धा निर्माण करतात. असंच काहीसं घडलं आहे स्टार याच्यासोबत. यशच्या एका चाहत्यानं आत्महत्या केली असून त्यानं त्यापूर्वी लिहिलेल्या सुसाइड नोटमध्ये अभिनेत्याच्या नावाचा उल्लेख केला आहे. या घटनेची माहिती मिळाल्यावर यशनं ट्वीट करत दुःख व्यक्त केलं आहे. कर्नाटकच्या मांड्या जिल्ह्यात राहणाऱ्या रामकृष्ण (वय २५) यानं गळफास घेऊन आत्महत्या केली. रामकृष्णने आत्महत्या करण्यापूर्वी कन्नडमध्ये एक चिठ्ठी लिहिली आहे. ज्यात त्यानं त्यांच्या दोन शेवटच्या इच्छा सांगितल्या आहेत. यात त्यानं तो अभिनेता यश आणि कर्नाटकचे विरोधी पक्ष नेता सिद्धारमैय्या यांचा खूप मोठा चाहता आहे आणि या दोघांनीही आपल्या अंतिम संस्कारांना उपस्थित राहावं अशी इच्छा व्यक्त केली आहे. रामकृष्णनं त्याच्या सुसाइड नोटमध्ये हीच आपली शेवटची इच्छा असल्याचं म्हटलं आहे. रामकृष्णनं त्याच्या सुसाइड नोटमध्ये आपण आपल्या जीवनात अयशस्वी झाल्याचं म्हटलं आहे. त्याच्या मते, तो आपल्या आईसाठी एक चांगला मुलगा होऊ शकला नाही, तसेच आपल्या मोठ्या भावासाठी एक चांगला भाऊ सुद्धा होऊ शकला नाही. एवढंच नाही तर प्रेमातही तो अयशस्वी ठरला. त्यामुळे आयुष्यात मिळवण्यासाठी त्याच्याकडे आता कोणतीही गोष्ट उरलेली नाही. म्हणूनच त्यानं आयुष्य संपवण्याचा निर्णय घेतला. विरोधी पक्ष नेता सिद्धारमैय्या कोडिदोड्डी गावाचा दौरा करत रामकृष्णच्या अंतिम संस्कारांच्या विधींमध्ये सहभागी झाले. त्यांनी त्यांच्या ट्वीटमध्ये लिहिलं, 'मी त्याला कधीही भेटलो होतो का हे मला माहित नाही. पण आपल्या चाहत्याला अशाप्रकारे भेटणं खूप दुःखद आहे. कोणीच एवढ्या कमी वयात आपलं आयुष्य संपवणं चुकीचं आहे.' याशिवाय अभिनेता यशनं सुद्धा रामकृष्णच्या आत्महत्येबद्दल दुःख व्यक्त करत कन्नडमध्ये एक ट्वीट केलं आहे. त्यानं लिहिलं, 'आम्ही कलाकार तुमच्या टाळ्या आणि शिट्ट्यांचा आवाज ऐकतो. तुम्ही आम्हाला जे प्रेम देता त्यासाठी आम्ही जगत असतो. पण मी माझ्या चाहत्याकडून ही अपेक्षा कधीच केली नव्हती.'
from Marathi Bollywood News, Marathi Cinema News https://ift.tt/2M6YxtQ
