मुंबई: बॉलिवूड अभिनेत्री सोशल मीडियावर नेहमीच सक्रिय असते. ती नेहमीच चाहत्यासोबत तिचे अतरंगी व्हिडीओ शेअर करत असते. पण सध्या ड्रग केसनंतर मात्र साराकडे काम नाही आहे. त्यामुळे तिला कामासाठी प्रोडक्शन हाऊसची वारी करताना दिसत आहे. साराच्या हातून दोन मोठे चित्रपट निसटले आहेत आणि सुशांतसिंह राजपूतच्या आत्महत्येनंतर ड्रग्स केसमध्ये नाव आल्यानंतर साराला नवीन चित्रपट मिळणंही कठीण झालं आहे. त्यामुळे कामाच्या शोधात आता सारा कास्टिंग ऑफिसला पोहोचली आहे. तिचा एक व्हिडीओ सध्या सोशल मीडियावर खूप व्हायरल होताना दिसत आहे. साराला नुकतंच एका कास्टिंग ऑफिसच्या बाहेर स्पॉट केलं गेलं. जेव्हा पॅपराजींनी तिला कुठे जात आहेस असा प्रश्न विचारला तेव्हा तिनं हसून त्यांचा प्रश्नचं उत्तर देणं टाळलं. या व्हिडीओमध्ये साराला काही फोटोग्राफर ती कुठे जात आहे असा प्रश्न विचारताना दिसत आहेत. त्यावर सारा हसून म्हणते, 'ते आता तुम्हाला समजेलच.' आणि ती तिथून निघून जाते. सोशल मीडियावर साराचा हा व्हिडीओ खूप व्हायरल झाला आहे. दरम्यान साराच्या हातून मागच्या काही काळात दोन बिग बजेट चित्रपट निसटले आहेत. सर्वात आधी 'हिरोपंती २' आणि काही दिवसांपूर्वीच रणबीर कपूरचा 'अॅनिमल' हा चित्रपट सुद्धा साराच्या हातून गेला आहे. फिल्मफेअरच्या रिपोर्टनुसार संदीप रेड्डी वांगा यांनी अॅनिमलसाठी सारा अली खान ऐवजी तृप्ति डिमरीला साइन केलं आहे. सारा अली खान शेवटची वरुण धवनसोबत 'कुली नंबर १'च्या रिमेकमध्ये दिसली होती. हा चित्रपट बॉक्स ऑफिसवर सपशेल आपटला आणि साराच्या अभिनयाची सुद्धा खिल्ली उडवण्यात आली होती. त्यानंतर दोन बिग बजेट चित्रपट तिच्या हातून निसटले. दरम्यान अद्याप तिच्याकडे आनंद एल राय यांचा 'अतरंगी रे' हा चित्रपट आहे. या चित्रपटात ती अक्षय कुमार आणि धनुष यांच्यासोबत स्क्रिन शेअर करताना दिसणार आहे.
from Marathi Bollywood News, Marathi Cinema News https://ift.tt/2N3S1Vq
