मुंबई: बॉलिवूड अभिनेत्री सोशल मीडियावर नेहमीच सक्रिय असते. अनेकदा ती तिचे ग्लॅमरस फोटो सोशल मीडियावर शेअर करत असते. जे खूप व्हायरल होताना दिसतात. क्रितीनं नुकतंच एक फोटोशूट केलं आहे. ज्याचे काही फोटो तिनं इन्स्टाग्रामवर शेअर केल आहेत. या फोटोंमध्ये क्रिती खूपच सुंदर आणि ग्लॅमरस दिसत आहे. तिच्या या फोटोंवर बॉलिवूडचे महानायक यांनी सुद्धा कमेंट केली आहे. ज्यामुळे क्रितीचे हे फोटो सोशल मीडियावर चर्चेत आहेत. क्रिती सेनॉननं तिच्या लेस्टेस्ट फोटोशूटचे काही फोटो तिच्या इन्स्टाग्राम हॅन्डलवर शेअर केले आहेत. या फोटोंमध्ये क्रितीनं गुलाबी, निळा आणि काळ्या रंगाचे पॅच असलेला ड्रेस घातलेला दिसत आहे. या फोटोंमध्ये क्रिती खूपच ग्लॅमरस दिसत आहे. हे फोटो शेअर करताना क्रितीनं त्याच्या कॅप्शनमध्ये लिहिलं, 'कोणाला सालसा करायचा आहे का?' क्रितीच्या या फोटोवर तिच्या चाहत्यांनी कमेंट केल्या आहेतच पण त्यासोबत बिग बी अमिताभ बच्चन यांनीही कमेंट केली आहे. क्रितीच्या फोटोंवर कमेंट करताना अमिताभ बच्चन यांनी तिच्या सौंदर्याचं कौतुक केलं आहे. त्यांनी आपल्या कमेंटमध्ये लिहिलं, 'वॉव' क्रिती सेनॉनच्या फोटोवरील अमिताभ बच्चन यांची ही कमेंट सध्या सोशल मीडियावर चर्चेचा विषय ठरली आहे. अमिताभ बच्चन सोशल मीडियावर खूप सक्रिय आहेत पण ते फार कमी कोणाच्या फोटोवर किंवा पोस्टवर कमेंट करताना दिसतात. पण आता त्यांनी क्रितीच्या फोटोवर कमेंट केल्यानं सर्वजण चकित झाले आहेत. क्रिती सेनॉनच्या आगामी चित्रपटांबद्दल बोलायचं तर ती लवकरच दाक्षिणात्य सुपरस्टार प्रभाससोबत स्क्रिन शेअर करणार आहे. प्रभासच्या 'आदिपुरूष' या चित्रपटात क्रिती सेनॉन सीतेच्या भूमिकेत दिसणार आहे. प्रभास आणि क्रिती पहिल्यांदाच एकमेकांसोबत काम करत आहेत. त्यामुळे चाहत्यांमध्ये या चित्रपटाबाबत खूपच उत्सुकता आहे.
from Marathi Bollywood News, Marathi Cinema News https://ift.tt/3w4MoYI