मुंबई: बॉलिवूड अभिनेता याचं मागच्या वर्षी कॅन्सरमुळे निधन झालं. इरफानला बॉलिवूडच्या सर्वोत्तम अभिनेत्यापैकी एक मानलं जातं. त्यांच्या अभिनय कौशल्यानं प्रेक्षकांना आपलंस केलं होतं. इरफाननं त्याच्या करिअरमध्ये फक्त बॉलिवूडच नाही तर हॉलिवूडसोबतच अनेक परदेशी चित्रपटांमध्ये सुद्धा काम केलं होतं. त्यामुळेच जगभरात त्याचे चाहते आहेत. इरफान खानने हॉलिवूडच्या मायटी हार्ट, लाइफ ऑफ पाय, अमेझिंग स्पायडरमॅन, इनफर्नो ज्युरॅसिक वर्ल्ड या चित्रपटांमध्ये काम केलं आहे. त्यामुळे त्याच्या या योगदानासाठी २०२१च्या सोहळ्यात सन्मानित करण्यात आलं. पण या पुरस्कार सोहळ्या आयोजकांकडून एक मोठी चूक झाली. ज्यामुळे इरफानचे चाहते नाराज आहेत. एवढ्या मोठ्या पुरस्कार सोहळ्या एवढ्या मोठ्या अभिनेत्याबाबत अशी चूक कशी काय होऊ शकते असं त्यांचं म्हणणं आहे. मीडिया रिपोर्ट नुसार २४ मार्चला हा पुरस्कार सोहळा पार पडला. ज्यात दिवंगत अभिनेता इरफान खानच्या आठवणींना उजाळा देत त्याला प्रोड्युसर गिल्ड अवॉर्डनं सन्मानित करण्यात आलं. मात्र यात इरफान नाव चुकीच्या पद्धतीनं लिहिण्यात आलं होतं. इरफानच्या नावाचं स्पेलिंग असं असताना या ठिकाणी त्याचं नाव 'Irrif Kahn' असं लिहिण्यात आलं होतं. ज्यावर चाहत्यांनी नाराजी व्यक्त केली आहे. इरफान खान २१ अशा सेलिब्रेटींपैकी होता. ज्यांच्या आठवणींना या पुरस्कार सोहळ्यात उजाळा देण्यात आला. यावेळी 'मिनारी'साठी ऑस्कर जिंकणारे पहिला आशियाई- अमेरिकन अभिनेता स्टीवन येउनच्या नावाचा उच्चारही चुकीच्या पद्धतीनं करण्यात आला होता. या सोहळ्यात हॉलिवूड अभिनेता किर्क डगसल आणि ब्लॅक पँथर चित्रपटातील अभिनेता चॅडविक बोसमॅन यांच्या आठवणींनाही उजाळा देण्यात आला.
from Marathi Bollywood News, Marathi Cinema News https://ift.tt/3csOYQw