मुंबई- '' या चित्रपटातून मराठी चित्रपटसृष्टीत पदार्पण करणारी अभिनेत्री तिच्या मनमोकळ्या वागण्यासाठीही चाहत्यांमध्ये प्रसिद्ध आहे. तिने तिच्या अभिनयाने मराठी चित्रपटसृष्टीच नाही तर हिंदी चित्रपटसृष्टीत देखील नाव कमावलं आहे. तिला प्राणी व पक्षांची देखील खूप आवड आहे. ती नेहमीच प्राण्यांना मदत करणाऱ्या संस्थांशी जोडलेली असते. ती सोशल मीडियावरही नेहमी सक्रिय असते. ती तिचे निरनिराळे फोटो चाहत्यांसोबत शेअर करत असते. तिने नुकताच एक व्हिडीओ सोशल मीडियावर शेअर केला आहे. ज्यात ती एका घुबडाचे प्राण वाचवताना दिसतेय. पूजाने तिच्या इन्स्टाग्राम अकाउंटवर हा व्हिडीओ शेअर केला आहे. त्यात तिने हे घुबड तिला कसं मिळालं याबद्दल सांगितलं. ती म्हणाली, 'आता उन्हाळा जवळ आला आहे आणि असे बरेच पक्षी आपल्याला दिसतात, जे तहानलेले असतात. पाण्याच्या शोधात पाण्यात पडतात किंवा त्यांच्यासोबत काही अपघात होतात. अशाच एक घुबडाबद्दल आम्हाला फोन आला होता की हे घुबड पाण्याच्या टाकीत पडलं आहे. आम्ही तिथे पोहोचेपर्यंत तिथल्या लोकांनी त्याला टाकीतून बाहेर काढलं होतं. ते जिवंत होतं पण खूप अशक्त होतं. मी त्याच्यावर प्राथमिक उपचार केले आणि त्याला पशुवैद्याकडे घेऊन गेले. त्याच्यावर उपचार झाल्यानंतर तो स्वस्थ दिसू लागला. त्याच्या तब्येतीत सुधारणा दिसू लागली. आम्हाला असंवाटलं की, हे घुबड आता पूर्णपणे बरं झालं आहे आणि उडू शकेल, तेव्हा आम्ही त्याला सोडून दिलं.' पूजाचा हा व्हिडीओ सोशल मीडियावर प्रचंड वायरल होत आहे. तिला तिच्या या पक्षीप्रेमाचं चाहते कौतुक करत आहेत. या व्हिडिओच्या माध्यमातून पूजाने चाहत्यांना त्यांच्या घराबाहेर तहानलेल्या पक्षांसाठी पाणी ठेवण्याची विनंती देखील केली आहे.
from Marathi Bollywood News, Marathi Cinema News https://ift.tt/3vXO325
