मुंबई: अभिनेत्री सारा अली खानचा आगमी चित्रपट '' लवकरच प्रेक्षकांच्या भेटीला येणार आहे. या चित्रपटात ती अभिनेता आणि दाक्षिण्यात सुपरस्टार धनुषसोबत स्क्रिन शेअर करणार आहे. नुकतंच या चित्रपटाचं शूटिंग संपलं. त्यानंतर सारानं सोशल मीडियावर एक भावुक पोस्ट शेअर केली आहे. ज्यात तिनं अभिनेता अक्षय कुमारची माफी सुद्धा मागितली आहे. पण नक्की असं घडलं तरी काय की साराला अक्षयची माफी मागावी लागली. दिग्दर्शक यांच्या 'अतरंगी रे'चं शूटिंग जवळपास एक वर्षानंतर पूर्ण झालं. त्यानंतर सारानं या सेटवरील काही फोटो इन्स्टाग्रामवर शेअर केले आहेत. या फोटोंच्या कॅप्शनमध्ये सारानं धनुष, अक्षय आणि आनंद एल राय यांच्यासाठी एक पोस्ट लिहिली आहे. सारानं लिहिलं, प्रेम, पाठिंबा, भारत दर्शन, चविष्ट खाद्यपदार्थ, सुर्योदय, सूफी संध्याकाळ आणि बेस्ट टीमसोबतचं नेहमीच आठवणीत राहिलं असं वर्ष या सगळ्यासाठी धन्यवाद. या पोस्टमध्ये सारानं धनुषला चांगला प्रेरणादायी पार्टनर असल्याचं म्हटलं आहे. सारानं पुढे लिहिलं, नेहमी मदत करण्यासाठी, प्रेरणा देण्यासाठी धन्यवाद धनुष. या प्रवासात तुझ्यापेक्षा चांगला पार्टनर कोणी असूच शकत नाही आणि हो, सुंदर म्यूझिक आणि वेगवेगळ्या साउथ इंडिन खाद्यपदार्थांसाठी सुद्धा तुझे खूप आभार. आपल्या पोस्टमध्ये सर्वात शेवटी सारानं सेटवर सर्वांना आनंदी आणि हसवत ठेवण्यासाठी अक्षय कुमारचे आभार मानले आहेत. तसेच एक मजेदार कारणासाठी त्याची माफी सुद्धा मागितली आहे. तिनं लिहिलं, सेटवरील प्रेम, हसू, एनर्जी आणि सकारात्मकता या सर्व गोष्टींसाठी धन्यवाद अक्षय सर आणि आपल्या सर्व कॉस्ट्यूम्समधील फोटोंसाठी तुम्हाला सतत स्टॉक करण्यासाठी मला माफ करा.'
from Marathi Bollywood News, Marathi Cinema News https://ift.tt/3m6fsdK