मुंबई- लोकप्रिय अभिनेत्री सोशल मीडियावर फारशी सक्रिय नसते. पण तरीही आपल्या प्रत्येक पोस्टवर चाहत्यांचं लक्ष कसं ओढवून घ्यायचं हे तिला चांगलं माहीत आहे. उत्कृष्ट अभिनयामुळे मृणाल प्रेक्षकांच्या आवडत्या अभिनेत्रींपैकी एक झाली आहे. साध्या आणि सरळ स्वभावामुळे तिने प्रेक्षकांच्या मनात वेगळी जागा निर्माण केली आहे. मृणालने साकारलेल्या प्रत्येक भूमिकेचं प्रेक्षकांकडून कौतुक झालं. सोशल मीडियावर देखील तिचे अनेक फॉलोवर आहेत. नुकताच मृणालने तिच्या पतीसोबतचा एक फोटो सोशल मीडियावर शेअर केला. काही तासांतच त्या फोटोवर चाहत्यांच्या लाइक आणि कमेन्टचा पाऊस पडला. मृणाल २५ फेब्रुवारी २०१६ रोजी विवाहबंधनात अडकली. तिच्या पतीचं नाव नीरज मोरे असून तो सॉफ्टवेअर इंजिनिअर आहे. तो कामासाठी अमेरिकेत असतो. तर मृणाल मालिका विश्वाशी जोडलेली असल्याने तिला काही महिने अमेरिकेत तर काही महिने भारतात वास्तव्य करावं लागतं. यावेळी मृणालने तिच्या पतीसोबतचा फोटो इन्स्टाग्राम अकाउंटवर शेअर केला आणि त्याला कॅप्शन देत लिहिलं की, 'तक्रार करण्यासाठी नेहमीच कोणती ना कोणती कारणं आपल्याकडे असतात. पण मला आता माझ्या आयुष्यात घडणाऱ्या चुकीच्या गोष्टींची तक्रार करणं बंद करायचं आहे आणि पुन्हा एकदा आनंदाने आयुष्य जगायचं आहे.' मृणालने शेअर केलेला हा फोटो सोशल मीडियावर चांगलाच व्हायरल होत आहे. या फोटोला एका दिवसांत २३ हजारांहून अधिक लाइक मिळाले आहेत. मृणालने काही दिवसांपूर्वी तिच्या नव्या लूकचा फोटोदेखील चाहत्यांसोबत शेअर केला होता. चाहत्यांना तिचा लुक आवडला होता. दरम्यान, मृणालने 'माझिया प्रियाला प्रीत कळेना' या मालिकेतून टीव्ही विश्वात पदार्पण केलं. त्यानंतर तिने 'तू तिथे मी', 'असं सासर सुरेख बाई' आणि 'सुखांच्या सरींनी हे मन बावरे' या मालिकांमध्ये मुख्य भूमिका साकारल्या होत्या. मृणाल अभिनेत्रीसोबत उत्तम नृत्यांगनादेखील आहे. तिने 'एकापेक्षा एक अप्सरा आली' या कार्यक्रमात भाग घेऊन तिच्या नृत्य कौशल्याची झलक प्रेक्षकांना दाखवली होती.
from Marathi Bollywood News, Marathi Cinema News https://ift.tt/3sImVS4
