मुंबई ः बॉलिवूडमधील झक्कास असा मिस्टर इंडिया अर्थात अभिनेता यांच्या पत्नीचा सुनीता यांचा ५६ वा वाढदिवस थाटामाटात साजरा केला. यावेळी अनिल कपूर यांनी आपल्या लाडक्या बायकोला जे सरप्राईज गिफ्ट दिले ते ऐकून तुम्ही आश्चर्यचकीत व्हाल. हे गिफ्ट आणि त्यासोबत अनिल यांनी एक छानशी पोस्ट इन्स्टाग्रामवर शेअर केली आहे. काय आहे सरप्राईज? अनिल कपूर आणि सुनिता कपूर हे कपल बॉलिवूडमधली सर्वात छान जोडपे आहे. सुनिता यांचा नुकताच वाढदिवस झाला. त्यावेळी अनिल कपूर यांनी त्यांना मर्सिडीज गाडी गिफ्ट म्हणून दिली. या गाडीची किंमत एक कोटी रुपये इतकी आहे. आपल्या पत्नीच्या वाढदिवसानिमित्ताने अनिल यांनी इन्स्टाग्रामवर पोस्ट केली आहे. त्या पोस्टमध्ये त्यांनी सुनीता यांच्याबद्दल त्यांच्या मनात असलेले प्रेम, आदर व्यक्त केला आहे. काय आहे पोस्टमध्ये? अनिल कपूर आपली पत्नी सुनीता हिला वाढदिवसाच्या शुभेच्छा देताना लिहितात, 'माझ्या जीवनातील सारे प्रेम सुनीतासाठी आहे, ट्रेनच्या तिसऱ्या दर्जाच्या डब्यातील प्रवासापासून बस, रिक्षा आणि काळ्या पिवळ्या टॅक्सीमदील प्रवासापर्यंत, विमानाच्या इकोनॉमी सीटपासून बिझनेस क्लासच्या प्रवासापर्यंत, दक्षिण भारतामधील कराइकुडी गावातील सर्वसामान्य हॉटेलमधील वास्तव्यापासून ते लेहमधील तंबूत राहण्यापर्यंत, आपण चेहऱ्यावर नेहमची हसू ठेवून प्रेमाने हे सर्व एकत्र केले आहे. अशा अनेक कारणांमधील ही काही कारणे आहेत ज्यामुळे मी तुझ्यावर खूप सारे प्रेम करतो. तुझ्यासारखा आयुष्याचा जोडीदार मिळाल्यामुळे माझ्यासारखा भाग्यवान मीच आहे. आज, दररोज आणि कायम... वाढदिवसाच्या खूप शुभेच्छा... मी कायमच तुझ्यावर प्रेम करत राहणार आहे,' अनिल कपूर यांनी लिहिलेल्या भावूक पोस्टवर अनेक सिलिब्रिटींनी कमेंट करत सुनीता यांना शुभेच्छा दिल्या आहेत. लेकींनीही दिल्या आईला शुभेच्छा सुनीता यांना त्यांच्या लेकी सोनम कपूर आणि रिया कपूर यांनीही इन्स्टाग्रामवर पोस्ट करून शुभेच्छा दिल्या आहेत. अशी होती अनिल-सुनिताची प्रेमकहाणी सुनीता आणि अनिल कपूर यांची लव्हस्टोरी खूप खास आहे. अनिल कपूर आणि सुनिता यांचे १९८४ मध्ये लग्न झाले. त्याआधी हे दोघेजण एकमेकांना डेट करत होते. त्यावेळी अनिल कपूर यांचा स्ट्रगल सुरू होता तर सुनिता या त्यांच्या काळातील लोकप्रिय अशा मॉडेल होत्या. १९८५ मध्ये सोनम कपूर हिचा जन्म झाला त्यानंतर १९८७ मध्ये रिया आणि १९९० मध्ये हर्षवर्धन कपूर याचा जन्म झाला. सुनीताकडून अनिल घ्यायचे पैसे अनिल कपूर यांनी आपल्या अनेक मुलाखतींमध्ये आपल्या स्ट्रगलच्या दिवसांबद्दल सांगितले आहे. त्याकाळात त्यांच्याकडे पैसे नसायचे. सुनीला भेटायला जाण्यासाठी ते बसमधून जायचे. या प्रवासात त्यांचे अनेक तास जायचे. त्यावेळी दोघांना भेटायला जास्त वेळ मिळावा यासाठी सुनिता त्यांना टॅक्सीने येण्यासाठी पैसे द्यायच्या. अनिल कपूर यांच्या फिटनेसचे भरभरून कौतुक केले जाते. त्यामागे सुद्धा सुनिताच आहे, असे ते आवर्जून सांगतात.
from Marathi Bollywood News, Marathi Cinema News https://ift.tt/3lRL2eW
