मुंबई: दिया मिर्झाने फेब्रुवारी २०२१ ला उद्योगपती बिझनेसमन वैभव रेखीशी लग्न केलं. दिया आणि वैभवचं हे दुसरं लग्न आहे. त्यावेळी दिया आणि वैभवच्या लग्नाचे फोटो सोशल मीडियावर व्हायरल झाले होते. आता लग्नाच्या एक महिन्यानंतर हनीमूनसाठी मालदीवला गेली आहे. दियानं नुकतेच सोशल मीडियावर या ट्रीपचे फोटो शेअर केले आहेत. ज्यात तिच्यासोबत वैभवच्या पहिल्या पत्नीची मुलगी समायरासुद्धा दिसत आहे. दियाचे हे फोटो सध्या सोशल मीडियावर खूप व्हायरल होताना दिसत आहेत. वैभव आणि दियाच्या लग्नात समायरानं खूप एन्जॉय केलं होतं. दिया लग्नमंडपात जातानासुद्धा समायरा तिच्यासोबत दिसली होती. दिया आणि समायरामध्ये चांगलं बॉण्डिंगसुद्धा आहे. अशात आता हनीमूनला जातानाही दिया तिला आपल्यासोबत घेऊन गेली आहे. दियानं हे फोटो सोशल मीडियावर शेअर केल्यानंतर दियासोबत समायराला पाहून अनेक चाहत्यांनी दियाचं कौतुक केलं आहे. वैभव रेखीची पहिली पत्नी सुनैना ही बॉलिवूडमधील एक प्रसिद्ध योगा प्रशिक्षक आहे. दिया आणि वैभवच्या लग्नानंतर तिनं या लग्नाविषयी आपली प्रतिक्रिया दिली होती. 'माझी मुलगी समायरा या लग्नासाठी खूप उत्साहित होती. या लग्नात ती सहभागी होऊ शकली. आमचे मुंबईमध्ये कोणी नातेवाईक नाहीत. पण या लग्नामुळे कुटुंबात नवे लोक जोडले गेले आहेत. समायराला एक नवी आणि मोठी फॅमिली मिळाली आहे. ती खूप खुश आहे. त्यामुळे मलाही या लग्नाबद्दल आनंदच आहे. तिला तिच्या आई-बाबांच्या लग्नात प्रेम पाहता आलं नाही पण ती या लग्नात, या नात्यात प्रेम पाहू शकेल. मी दिया आणि वैभवला त्यांच्या पुढील वाटचालीसाठी शुभेच्छा देते.' असं तिनं यावेळी म्हटलं होतं. दिया मिर्झानं २०१९ मध्ये साहिल संघासोबतचा ११ वर्षांचा संसार मोडत घटस्फोट घेतला होता. तसेच वैभवचासुद्धा सुनैनासोबत घटस्फोट झाला असून या दोघांना एक मुलगीसुद्धा आहे. दिया मिर्झा आणि वैभव लॉकडाउनच्या काळात एकमेकांच्या जवळ आले आणि अखेर त्यांनी लग्न करण्याचा निर्णय घेतला.
from Marathi Bollywood News, Marathi Cinema News https://ift.tt/31pwzxy