मुंबई : व्हायरचा पुन्हा एकदा देशात मोठ्या प्रमाणावर फैलाव झाला आहे. दिवसागणिक पेशंटची संख्या वाढत आहे. या सर्व पार्श्वभूमीवर सीबीएसईच्या दहावीच्या परीक्षा रद्द तर बारावीच्या परीक्षा पुढे ढकलल्या आहेत. अशा परिस्थितीमध्ये सोनू सुदने एक ट्वीट केले असून त्यामध्ये देशाला करोनापासून वाचवायचे असेल, तर ही गोष्ट प्राधान्याने करायला हवी असे मत त्याने मांडले आहे. त्याचे हे ट्वीट सोशल मीडियावर खूपच व्हायरल झाले असून नेटकरी त्यावर प्रतिक्रिया देत आहेत. काय म्हणाला सोनू ट्वीटमध्ये म्हणाला, 'करोनाचा सर्वात मोठा धडा: देशाला वाचवायचे असेल तर इस्पितळं बांधा...' सोनूच्या या ट्वीटवर नेटकऱ्यांनी त्यावर भरभरून कमेन्ट करायला सुरुवात केली आहे. रिधी जैन नावाच्या युझरने सोनूच्या या ट्वीटवर उपहासात्मक कमेन्ट केली आहे. ती म्हणते, ' सरकारने तर 'राम मंदिर' बांधण्याचे आश्वासन केले होते 'हॉस्पिटल' अथवा 'व्हेंटिलेटर'चे आश्वासन नव्हते दिले, त्यामुळे हे मागून तुम्ही लाज आणू नको...' तर दुसरा नेटकरी म्हणतो, 'हॉस्पिटल बांधण्यासाठी आम्ही सरकारला कधी तरी प्रश्न विचारतो का, कारण मंदिर- मशिद बांधण्यासाठीच आपण लढत आहोत. आता करोनाचे संकट आल्यावर लोकांना डॉक्टर व हॉस्पिटलची कमतरता जाणवू लागली आहे आणि आता ते रडत आहेत..' अजून एका नेटकऱ्याने तर सोनूलाच सुनावले, तो म्हणतो, 'ज्यांना या देशामध्ये हॉस्पिटल कमी आहेत असे वाटते आहे त्यांना मला असे सांगायचे आहे की, जर एखाद्या घरामधील सहा सदस्यांना जुलाब होत असतील तर प्रत्येकासाठी कुणी वेगवेगळे स्वच्छतागृह बांधत नाही ना...' अशा वेगवेगळ्या प्रकारच्या कमेन्ट नेटकरी सोनूच्या ट्वीटवर करत आहेत. दरम्यान, केंद्र सरकाने सीबीएसईच्या दहावीच्या परीक्षा रद्द करण्याचा आणि बारावीच्या परीक्षा पुढे ढकलण्याचा निर्णय जाहीर केला आहे. त्या निर्णयाचे सोनूने समर्थन केले आहे. सोनू सुदने गेल्यावर्षी करोनामुळे झालेल्या लॉकडाउनमध्ये अडकून पडलेल्या मजुरांना त्यांच्या घरी पोहोचण्यासाठी मदत केली होती. त्यामुळे लोकांसाठी सोनू हा मसिहा ठरला होता.
from Marathi Bollywood News, Marathi Cinema News https://ift.tt/3x0KNng
