मुंबई- देशभरात करोनामुळे चिंतेचं वातावरण आहे. रुग्णांची संख्या झपाट्याने वाढत आहे. त्यात समारंभात होणाऱ्या गर्दीमुळे करोनाचा प्रसार आणखीनच वाढला आहे. बॉलिवूडचे अनेक दिग्गज कलाकारदेखील त्यांच्या चाहत्यांना मास्क लावण्याची विनंती करत आहेत. परंतु, नुकत्याच हरिद्वार येथे पार पडलेल्या कुंभ मेळ्यात करोनाबद्दलची कोणतीही काळजी घेण्यात आली नाही. यावर अनेकांनी आक्षेप नोंदवला. अनेकांनी यावर आपलं मतही मांडलं. दरम्यान आता अभिनेता याला जीवे मारण्याची धमकी देण्यात आली आहे. त्याने करोनाचं गांभीर्य न लक्षात घेता गर्दी करणाऱ्यांवर पोस्ट शेअर केली होती. 'हेट स्टोरी ४'मध्ये मुख्य भूमिका साकारणारा अभिनेता करण वाही याने त्याच्या इन्स्टाग्राम स्टोरीवर एक पोस्ट केली होती. त्यात त्याने हरिद्वार येथील सुरु असलेल्या कुंभ मेळ्यातील शाही स्नानाबाबत आणि नागा साधूंच्या मोठ्या संख्येने एकत्रित होण्यावर आक्षेप नोंदवला होता. त्याने लिहिलं, 'नागा साधूंसाठी आमच्यासारखी वर्क फ्रॉम होमची सुविधा नाहीए का? जेणेकरून ते गंगा नदीतून पाणी नेऊन त्यांच्या घरीच आंघोळ करू शकतील.' त्याच्या या पोस्टवर त्याला जीवे मारण्याची धमकी देण्यात येत आहे. स्वतः करणने या गोष्टीची माहिती दिली आहे. करणला त्याच्या इन्स्टाग्राम अकाउंटवर अनेक मेसेज येत आहेत. त्यात अनेक युझर्स त्याला अर्वाच्च भाषेत शिवीगाळ करत आहेत. त्यातील काही स्क्रीनशॉट त्याने इन्स्टा स्टोरीवर शेअर केले आहेत. शिव्यांसोबतच त्याला पोस्ट डिलिट करायला सांगण्यात येत होतं. करणवर हिंदूंच्या भावना दुखावल्याचा आरोप केला जात आहे. या प्रतिक्रियांवर उत्तर देताना करणने इन्स्टा स्टोरीवल लिहिलं की, 'मला शिवीगाळ केली जात आहे. जीवे मारण्याची धमकी मिळत आहे. जर हिंदू होण्याचा अर्थ करोनाच्या प्रतिबंधांना न मानणं आहे. तर, तुमच्यातील बऱ्याच जणांना हे वाचण्याची गरज आहे की हिंदू असणं म्हणजे काय असतं.'
from Marathi Bollywood News, Marathi Cinema News https://ift.tt/3dkd53Y
