मुंबई- ख्यातनाम भारतीय- ब्रिटीश गायक याला केल्याप्रकरणी लंडन पोलिसांनी मंगळवारी अटक केली आहे. यामुळे संगीत विश्वामध्ये खळबळ उडाली असून अनेकांकडून आश्चर्य व्यक्त केले जात आहे. सूत्रांनी दिलेल्या माहितीनुसार जग्गी अलिकडेच दिल्लीला आला होता. 'द क्लेरियस' हॉटेलमध्ये तो रहायला होता. लग्नाचा ११ वा वाढदिवसा दिवशी पत्नी किरण संधीला सरप्राइज देण्यासाठी म्हणून तो लंडन गेला. घरी गेल्यानंतर त्याच्या बायकोने जग्गी डीचा फोन चेक केला. त्यावेळी तिने काही अश्लिल मेसेज वाचले. याबद्दल किरणने जग्गीला जाब विचारला असता दोघांमध्ये भांडणाला सुरुवात झाली. या दोघांमधील भांडण इतके विकोपाला गेले की जग्गीच्या बायकोने लंडन पोलिसांना मदतीसाठी फोन केला. पोलिसांनी जग्गीला घरगुती हिंसाचार केल्याप्रकरणी अटक केली. दरम्यान, एका वेबसाइटवर आलेल्या माहितीनुसार जग्गीच्या या अशा वागण्यामुळे किरण संधी खूपच निराश झाली आहे. जग्गी प्रतारणा करत असल्याने लग्नाला ११ वर्षे आणि तीन मुले झाल्यानंतर तिने वेगळे राहण्याचा निर्णय घेतला आहे. किरणने जग्गीच्या इन्स्टाग्राम अकाउंटचे दोन स्क्रिन शॉट सोशल मीडियावर पोस्ट केले आहेत. त्यामध्ये गुरु भारत नावाच्या कुणा व्यक्तीसोबत जग्गी बोलताना दिसत आहे. या दोघांमध्ये अमली पदार्थ घेणे आणि मुंबई- दिल्लीमध्ये एस्कॉर्ट भाड्याने घेण्याबाबत बोलणे झाल्याचे दिसते. दरम्यान ही पोस्ट जग्गीच्या अकाऊंटवरून काढून टाकली आहे. त्यानंतर जग्गीने याबाबतची सविस्तर माहिती इन्स्टा स्टोरीवर शेअर केली होती. त्यामध्ये त्याने यात गुरु रंधवा आणि नवज्योत सिंग यांचा कोणताही सहभाग नसल्याचं स्पष्ट केलं होतं. जग्गीने त्याच्या लग्नाच्या वाढदिवसाच्या दिवशी इन्स्टाग्रामवर बायकोसाठी एक पोस्ट शेअर केली होती. त्याबरोबरच त्यांच्या लग्नाचेही काही फोटो त्याने शेअर केले होते. यावेळी त्याने लिहिले की, 'आपण दोघे ११ वर्ष एकत्र आहोत, आपल्यासोबत आपली तीन सुंदर मुलेही आहेत. मी तुझ्यावर खूप प्रेम करतो. तू खूप चांगली व्यक्ती तर आहेसच शिवाय चांगली पत्नी,आई आणि सगळ्यात महत्त्वाचे म्हणजे माझी चांगली मैत्रीण आहेस. माझ्या आयुष्याला इतके सुंदर बनवण्यासाठी खूप खूप आभार...' जग्गी १४ वर्षांचा असल्यापासून संगीताच्या क्षेत्रात कार्यरत आहे. त्याने आतापर्यंत मॅडोना, रिकी मार्टिन, मेरी जे. ब्लिज आणि क्रेग डेविड यांसारख्या दिग्गजांसोबत गाणी गायली आहेत. त्याचबरोबर त्याने जय सीन, रोनिका मेहता आणि ऋषी रिच याच्यासोबत 'हम तुम' या सिनेमातही काम केले होते.
from Marathi Bollywood News, Marathi Cinema News https://ift.tt/39Sq5fi