मुंबई- छोट्या पडद्यासोबतच चित्रपटांमध्येही काम केलेली अभिनेत्री सोशल मीडियावर प्रचंड सक्रिय असते. ती तिचे निरनिराळे फोटो चाहत्यांसोबत शेअर करत असते. संजीदा आमिर अलीसोबत राहत नसली तरीही त्या दोघांचही त्यांच्या मुलीवर भरपूर प्रेम आहे. नुकताच तिने तिच्या मुलीचा एक व्हिडीओ सोशल मीडियावर शेअर केला आहे. ज्यात ती एका गायीला चारा खाऊ घालतेय. संजीदाच्या मुलीचा हा व्हिडीओ सोशल मीडियावर प्रचंड वायरल होत आहे. संजीदाने पहिल्यांदाच तिच्या मुलीचा आयराचा व्हिडीओ सोशल मीडियावर चाहत्यांसोबत शेअर केला आहे. यात रस्त्यावर उभ्या असलेल्या गायीला चार भरवताना दिसतेय. तिने पांढऱ्या रंगाचा टॉप परिधान केला असून काळ्या- पांढऱ्या पट्ट्यांची बबल पॅण्ट घातली आहे. सोबतच तिने मॅचिंग शूज देखील घातले आहेत. तिच्याकडे पाहून प्रत्येक जण तिला क्यूट म्हणत आहेत. संजीदाने या फोटोसोबत कॅप्शनमध्ये लिहिलं, 'माझी मुलगी प्राण्यांना घाबरत नाही.' चाहते तिच्या निरागस चेहऱ्यावर भाळले आहेत. शिवाय इतकी छोटी असूनही ती गायीला घाबरत नाही, म्हणून तिचं कौतुकही करत आहेत. चाहत्यांनी तिच्या व्हिडिओवर प्रेमाचा वर्षाव केला आहे. आयराच्या या व्हिडिओला तासाभरातच लाखांहून अधिक लाईक मिळाले आहेत. तर अनेकांनी तिच्या कौतुक करणाऱ्या प्रतिक्रिया दिल्या आहेत. संजीदाने २०१९ साली सरोगसीद्वारे एका गोंडस मुलीला जन्म दिला होता. यापूर्वी आमिरनेही आयराच्या वाढदिवसाच्या दिवशी तिचा फोटो पहिल्यांदाच चाहत्यांसोबत शेअर केला होता. त्याने कॅप्शन मध्ये लिहिलं होतं, 'मला माहीत नाही परी खरंच असते की नाही. पण हिला पाहिल्यावर मला विश्वास बसतो की त्या आहेत. माझ्या मुलीला पाहिल्यावर माझा प्रेम या शब्दावर विश्वास बसतो.
from Marathi Bollywood News, Marathi Cinema News https://ift.tt/3t4EU5U