मुंबई- सोशल मीडियावर नेटकरी कधी कशावरून रागावतील याचा काही नेम नाही. नुकताच बॉलिवूड अभिनेत्री आणि अभिनेता यांचा एक व्हिडीओ सोशल मीडियावर व्हायरल झाला आहे. परंतु, यात करिना आणि सैफपेक्षा जास्त चर्चा व्हिडिओत दिसणाऱ्या वॉचमनची होतेय. व्हिडिओत ते दोघे दवाखान्यात आलेले पाहायला मिळतं. परंतु, त्यादरम्यान असं काहीतरी घडलं ज्यामुळे नेटकरी कलाकारांचे फोटो आणि व्हिडीओ काढणाऱ्या फोटोग्राफर्सवरच भडकले. त्यासोबतच नेटकरी व्हिडिओत दिसणाऱ्या वॉचमनसाठी भावुक झालेले पाहायला मिळाले. सोशल मीडियावर सैफ आणि करिनाचा एक व्हिडीओ व्हायरल होत आहे ज्यात ते दोघे गाडीतून उतरताच त्यांना कॅमेरामध्ये कैद करण्यासाठी फोटोग्राफर्सचा गोंधळ सुरू झाला. त्यात करिना गाडीमधून उतरताच कॅमेरे करिनाकडे वळले. परंतु, अचानक समोर आलेल्या वॉचमनमुळे करिनाचा फोटो घेता येत नसल्याने तिथे उपस्थित फोटोग्राफर्सपैकी एक त्या वॉचमनच्या अंगावर ओरडत म्हणतो, 'अरे, बाजूला हो ना यार वॉचमन.' हे ऐकून नेटकरी रागावले आहेत आणि व्हिडिओवर कमेंट करत फोटोग्राफर्सना माणुसकी शिकायला सांगत आहेत. एका युझरने वॉचमनची बाजू घेत लिहिलं, 'असं कोण म्हणतं की बाजूला हो, तो पण तर त्याची ड्युटी करत आहे ना.' तर दुसऱ्या एका युझरने लिहिलं, 'या वॉचमनचा आदर करा, तेच तुमच्या सोकॉल्ड सोसायटीची रक्षा करतो.' आणखी एका युझरने वॉचमनच्या भावना सांगत लिहिलं, 'एवढं काय पाहायचं होतं तिला की तिच्यासाठी एका गरीब माणसावर असे ओरडताय. तोसुद्धा एक माणूसच आहे ना.' तर आणखी एका युझरने लिहिलं, 'काय वेडेपणा आहे, एका वॉचमनवर तुम्ही असे कसे ओरडू शकता.' अशा अनेक कमेंट या व्हिडिओवर आल्या आहेत. ज्यातून नेटकऱ्यांचा राग व्यक्त होत आहे. अनेकांनी फोटोग्राफर्सना वॉचमनच्या भावनांचा विचार करण्याचा सल्ला दिला आहे.
from Marathi Bollywood News, Marathi Cinema News https://ift.tt/3tO1VdM
