मुंबई- हा सण मराठी कुटुंबांमध्ये अत्यंत उत्साहाने साजरा केला जातो. आजच्या दिवशी नवीन वर्षाची सुरुवात होत असल्याने सगळ्यांच्या मंगलमय आरोग्याची आणि सुखाची सदिच्छा व्यक्त केली जाते. 'बिग बॉस १४' चा रनर अप ठरलेला यानेही कुटुंबासोबत गुढीपाडवाचा सण साजरा केला. यावर्षीचा गुढीपाडवा त्याच्यासाठी खास होता. त्याचं कारण म्हणजे यावर्षी पहिल्यांदाच सोबत गुढीपाडवा साजरा केला. इतकंच नाही तर या शुभदिनी दिशाला तिच्या होणाऱ्या सासूकडून खास भेटही मिळाली आहे. राहुलने दिलेल्या एका मुलाखतीत यासंबंधी माहिती दिली. दिशासोबत सण साजरा करण्याबाबत सांगताना तो म्हणाला की, आजचा दिवस माझ्यासाठी खास आहे. आईने दिशाला गुढीपाडव्यानिमित्त खास भेट दिली आहे. आईने दिशाला महाराष्ट्राची पारंपरिक नऊवारी साडी दिली आहे. त्यासोबतच त्यांनी तिला एक नथदेखील भेट दिली आहे. दिशाने साडी नेसून आज गुढीपाडव्याची पूजा केली. राहुलने त्याच्या इन्स्टाग्राम अकाउंटवर पूजा करतानाचा व्हिडीओ शेअर केला. दिशा मागील आठ वर्षांपासून मुंबईत राहतेय परंतु, तिने पहिल्यांदाच हा सण साजरा केला आहे. याबद्दल बोलताना तिने म्हटलं की, 'आता माझा जोडीदार महाराष्ट्रीयन आहे तर मी गुढीपाडव्याबद्दल जाणून घेण्यासाठी उत्सुक आहे. मी हा सण माझ्या मालिकेच्या सेटवर साजरा केला होता पण घरी असा पारंपरिक पद्धतीने सण साजरा करण्याची माझी पहिलीच वेळ आहे. आम्ही मिळून खास जेवण बनवणार आहोत. मला जेवण इतक्या चांगल्या पद्धतीने बनवता येत नाही त्यामुळे मी माझ्या सासूबाईंची मदत घेणार आहे.' दिशा आणि राहुल यांच्यासाठी हा गुढीपाडवा खास आहे यात शंका नाही.
from Marathi Bollywood News, Marathi Cinema News https://ift.tt/3dbfGgz