मुंबई: महाराष्ट्रात सध्या करोना व्हायरसनं अक्षरशः थैमान घातलं आहे. सामान्य जनतेसोबतच याचा फटका बॉलिवूडला सुद्धा बसत असलेला पाहायला मिळत आहे. आतापर्यंत अनेक बॉलिवूड कलाकारांना करोनाची लागण झाल्याचं चित्र आहे आणि आता यात अभिनेता अर्जुन रामपालसह ५ कलाकारांची भर पडली आहे. एकाच दिवसात एकूण ५ बॉलिवूड सेलिब्रेटींना करोनाची लागण झाल्याची माहिती समोर येत आहे. दरम्यान अर्जुन रामपालनं त्याला करोनाची लागण झाल्याची माहिती सोशल मीडियावर एक पोस्ट शेअर करत दिली. अर्जुन रामपालनं त्याच्या ट्वीटमध्ये लिहिलं, 'माझी करोना टेस्ट पॉझिटिव्ह आली आहे. पण मला त्याआधी करोनाची कोणतीच लक्षणं जाणवली नाहीत पण खबरदारी म्हणून केलेली टेस्ट पॉझिटिव्ह आली असून सध्या मी स्वतःला घरीच क्वारंटाइन केलं असून स्वतःची काळजी घेत आहे. करोनासंबंधी सर्व नियमांचं पालन करत आहे. दरम्यान मागच्या १० दिवसांमध्ये जे लोक माझ्या संपर्कात आले आहेत. त्यांनी स्वतःची टेस्ट करून घ्या आणि स्वतःची काळजी घ्या ही वेळ खरंच खूप भीतीदायक आहे. पण आपण जागरुक राहणं गरजेचं आहे. काही काळ स्वतःची काळजी घेणं भविष्याच्या दृष्टीने फायदेशीर असणार आहे. आपण एक होऊन करोनाशी लढू शकतो.' अर्जुन रामपालच्या अगोदर शनिवार १७ एप्रिलच्या दिवसभरात ४ बॉलिवूड सेलिब्रेटींना करोनाची लागण झाली आहे. ज्यात नील नितिन मुकेश, , मनीष मल्होत्रा आणि सुमित व्यास यांचा समावेश आहे. या सर्वांनीच सोशल मीडिया पोस्टमधून करोना झाल्याची माहिती दिली होती. तसेच मागच्या काही दिवसांत अक्षय कुमार, गोविंदा, विकी कौशल, आमिर खान, कटरीना कैफ, भूमि पेडणेकर, कार्तिक आर्यन, आलिया भट्ट, रणबीर कपूर, परेश रावल, सतीश कौशिक, आशुतोष राणा यांसारख्या बॉलिवूड कलाकारांनाही करोनाची लागण झाली आहे.
from Marathi Bollywood News, Marathi Cinema News https://ift.tt/3alo3oa
