मुंबई : गेल्या काही दिवसांपासून राज्यात पुन्हा एकदा करोनाने थैमान घालायला सुरुवात केली आहे. त्यामुळे करोनाला आटोक्यात आणण्यासाठी सरकारने काही कठोर निर्बंध लागू केले आहेत. त्यामध्ये मास्कचा वापर अनिवार्य केला आहे. मास्कशिवाय फिरणा-या लोकांकडून दंड आकारला जात आहे. तरीदेखील न वापरण्यांची संख्या जास्त असून यामध्ये काही कलाकारांचाही समावेश आहे. अलिकडेच अभिनेत्री साराअली खान हिचे मास्क न लावलेले फोटो सोशल मीडियावर व्हायरल झाले असून लोकांनी तिला खूपच ट्रोल केले आहे. बॉलिवूडमधील अनेक आघाडीच्या कलाकारांना करोनाची लागण झाली आहे. मात्र, असे असूनही सारा अली खान हिने जिमच्या बाहेर पडताना मास्क लावलेला नव्हता. तिचे हे फोटो सोशल मीडियावर खूपच व्हायरल झाले असून यावरून तिला नेटकऱ्यांनी ट्रोल करायला सुरुवात केली आहे. फिटनेसबाबत अतिशय जागरूक असलेली सारा नियमीतपणे जीममध्ये जाते. जीममधून सारा जेव्हा बाहेर आली तेव्हा काही फोटोग्राफर तिच्याजवळ जाऊन फोटो काढू लागले. यावेळी सारा त्यांच्यावर ओरडून म्हणाली, 'माझ्या जवळ येऊ नका.' असे सांगत त्यांना दूर राहण्यास सांगितले. मास्क न घातल्याने सारा फोटोग्राफर्सना जवळ येण्यास रोखत होती. साराचे हे फोटो सोशल मीडियावर व्हायरल झाले असून अनेकांनी तिच्या या वागण्याबद्दल तीव्र नाराजी व्यक्त केली आहे.या फोटोवर एक नेटकरी म्हणाला की, 'अगं ताई, मग तू मास्क का घालत नाहीस...' तर दुसरा एक नेटकरी म्हणाला, '...आणि हे असे लोक मास्क वापरण्याबाबत लोकांना सल्ला देतात, त्यांना सोशल डिस्टन्सिंग पाळायला सांगतात. याशिवाय हे देखील सांगतात की कारणाशिवाय घराबाहेर पडू नको... मग हे स्वतः काय करतात?' तर आणखी एका नेटकऱ्याने विचारले 'सारा, तुझा मास्क कुठे आहे?' खरे तर गेल्या काही दिवसांपासून बॉलिवूडमधील आमिर खान, कतरीना कैफ, विकी कौशल, आलिया भट, अक्षय कुमार, भूमी पेडणेकर यांच्यासह अनेक कलाकारांना करोनाची लागण झाली आहे. दरम्यान, सारा अली खान लवकरच अक्षय कुमार आणि धनुषसोबत ‘अतरंगी रे’ या सिनेमात दिसणार आहे. या सिनेमाचं शूटिंग पूर्ण झाले आहे.
from Marathi Bollywood News, Marathi Cinema News https://ift.tt/320ZJDg