मुंबई : बॉलिवूडचा भाईजान अर्थात याचा बहुचर्चित आणि बहुप्रतिक्षित ' : युवर मोस्ट वाँटेंड भाई' हा सिनेमा ईदच्या मुहूर्तावर प्रदर्शित होणार होता. परंतु सूत्रांनी दिलेल्या माहितीनुसार करोनाच्या वाढत्या उद्रेकामुळे या सिनेमाचे प्रदर्शन पुन्हा एकदा पुढे ढकलले जाण्याची शक्यता आहे. वास्तविक गेल्या वर्षीच हा सिनेमा प्रदर्शित होणार होता. परंतु करोना आणि लॉकडाउनमुळे तो प्रदर्शित होऊ शकला नाही. सलमान खानने कबीर बेदीसोबत केलेल्या एका फेसबुक लाइव्हमध्ये या सिनेमाबाबत काही ताजी माहिती दिली. त्याने सांगितले, 'आम्ही 'राधे...'सिनेमा या ईदच्या मुहूर्तावर प्रदर्शित करण्यासाठी प्रयत्न करत आहोत. परंतु सध्या सुरू असलेलं लॉकडाउन नंतरही सुरुच राहिलं तर कदाचित हा सिनेमा पुढच्या ईदला प्रदर्शित होईल...' सलमानने ही हे सांगितले यावेळी सलमानने हे देखील सांगितले की, 'करोनाच्या रुग्णांचे प्रमाण कमी झाले, लोकांनी काळजीपूर्वक व्यवहार केले, मास्क लावत सोशल डिस्टन्सिंगच्या सगळ्या नियमांचे पालन केले तर करोनाचे लवकर उच्चाटन होईल. जर असे झाले तर या ईदलाच 'राधे...' सिनेमा प्रदर्शित करू.' यामुळे सगळ्यांचा त्रास होतोय सलमाने यावेळी असे ही सांगितले की, 'इतके सांगूनही जर लोक ऐकत नसतील आणि त्यामुळे करोनाच्या केसेस वाढल्या तर त्यामुळे अनेकांचे नुकसान होणार आहे. यामध्ये केवळ सिनेमागृहांचेच नुकसान नाही तर अनेक मजुरांचेही नुकसान होईल. हे खूपच वाईट असेल जी परिस्थिती गेल्यावर्षी होती तशीच होऊ नये यासाठी सर्वांना काळजी घ्यायला हवी. ' 'राधे...'मध्ये आहेत हे कलाकार 'राधे: युवर मोस्ट वाँटेड भाई' या सिनेमाचे दिग्दर्शन प्रभुदेवाने केले आहे. तर या सिनेमात सलमानशिवाय दिशा पाटनी, रणदीप हुडा आणि जॅकी श्रॉफ हे कलाकार आहेत.
from Marathi Bollywood News, Marathi Cinema News https://ift.tt/2Q0L74d