मुंबई: दाक्षिणात्य अभिनेता अल्लू अर्जुनचा आज वाढदिवस आहे. अल्लू अर्जुनचे केवळ देशातच नाही तर परदेशातही अनेक चाहते आहे. अनेक सुपरहिट चित्रपट देणारा कोट्यवधीच्या संपत्तीचा मालक आहे. एवढंच नाही तर त्याच्याकडे आलिशान आणि महागडी फॉल्कन व्हॅनिटी व्हॅनसुद्धा आहे. ज्याची किंमत कोट्यवधी रुपयांमध्ये आहे. काही दिवसांपूर्वीच त्याच्या या व्हॅनिटी व्हॅनचा अपघात झाला आहे. ज्यातून त्याची मेकअप टीम थोडक्यात वाचली होती. अल्लू अर्जुनच्या फॉल्कन व्हॅनिटी व्हॅनचा फेब्रुवारीमध्ये अपघात झाला होता. ज्यातून त्याची मेकअप थोडक्यात वाचली होती. या अपघातादरम्यान अल्लू अर्जुन व्हॅनिटीमध्ये नव्हता. चित्रपटाचं शूटिंग संपवून मरेदुमिल्ली येथून हैदराबादला परतत असताना अल्लू अर्जुनच्या या व्हॅनिटी मागून एका वाहनानं धडक दिली होती. ज्यामुळे व्हॅनचं बरंच नुकसान झालं होतं. अल्लू अर्जुनच्या या अलिशान व्हॅनिटी व्हॅनची किंमत तब्बल ७ कोटी रुपये एवढी आहे. २०१९ मध्ये अल्लू अर्जुननं या व्हॅनिटी व्हॅनचे काही फोटो सोशल मीडियावर शेअर केले होते. अल्लू अर्जुनच्या या अलिशान व्हॅनिटीचं एंटिरिअर खूपच सुंदर आहे. यात कस्टमाइज्ड व्हीकल स्पोर्ट्स लेदर सीट्स, मोठा आरसा, स्पॉटलाइट लाइटिंग आणि मनोरंजनासाठी काही इतर साधनांची सुविधाही करण्यात आली आहे. अल्लू अर्जुननं त्याच्या व्हॅनिटी व्हॅनचं नाव फॉल्कन असं ठेवलं असून या व्हॅनिटी व्हॅनवर त्याच्या नावाच्या इनिशिअलचा लोगो सुद्धा तयार करण्यात आला आहे. ८ एप्रिल १९८३ रोजी जन्मलेल्या अल्लू अर्जुननं २००३ मध्ये 'गंगोत्री' चित्रपटातून अभिनय कारकिर्दीला सुरुवात केली होती. त्याचा हा चित्रपट सुपरहिट ठरला. यानंतर त्यानं 'आर्या', 'बन्नी', 'हॅप्पी', 'वेसमुडुरू', 'शंकरदादा जिंदाबाद', 'परुगु', 'आर्या २', 'वरुडु', 'वेदम', 'ब्रदीनाथ', 'वैंकुंठपुरमल्लू' यासारख्या चित्रपटांमध्ये काम केलं. लवकरच तो 'पुष्पा' चित्रपटात रश्मिका मंदानासोबत स्क्रिन शेअर करताना दिसणार आहे.
from Marathi Bollywood News, Marathi Cinema News https://ift.tt/31XnFrq