मुंबई : देशामध्ये करोनाचा पुन्हा उद्रेक झाल्याने करोना रुग्णांची संख्या दिवसागणिक वाढत चालली आहे. मनोरंजन विश्वातही अनेक कलाकारांना करोनाची लागण झाली आहे. यामध्ये आलिया भट, विकी कौशल, वरुण धवन, वाणी कपूर, सतीश कौशिक, आमीर खान, कतरीना कैफ, आर. माधवन यांसारख्या अनेकांचा समावेश आहे. यामध्ये आता आणखी दोन नावांची भर पडली आहे ती म्हणजे ख्यातनाम फॅशन डिझायनर मनिष मल्होत्रा आणि अभिनेता . या दोघांनीही त्यांना करोनाची लागण झाल्याची बातमी सोशली मीडियावर पोस्ट करून दिली आहे. मनीष मल्होत्राने इन्स्टाग्रामवर पोस्ट शेअर कली आहे. त्याच्या या पोस्टमध्ये मेडिकल चिन्ह टाकले आहे. इन्स्टाग्राम पोस्ट करत मनीषने लिहिले की, 'करोनाची टेस्ट पॉझिटिव्ह आली आहे. त्यानंतर मी स्वतःला घरातच क्वारंटाइन करून घेतले आहे. डॉक्टरांच्या सल्ल्यानुसार सर्व खबरदारी घेत नियमांचे पालन करत आहे. तुम्ही सर्वजणही प्लीज घरातच रहा आणि सुरक्षित रहा. घराबाहेर पडू नका.' मनिष मल्होत्राच्या पोस्टवर बॉलिवूडमधील अनेक कलाकारांनी त्याला काळजी घेण्यास सांगितले असून लवकर बरा होण्यासाठी सदिच्छाही दिल्या आहेत. अभिनेता नुसरत भरुचाने 'हे अविश्वसनीय आहे...'असे लिहिले आहे तर रणबीर कपूरची बहिण रिद्धिमा कपूर सहानीने 'प्रिय मित्रा काळजी घे...' अशी कमेन्ट केली आहे. 'वीरे द वेडिंग'सिनेमातील अभिनेता सुमित व्यासनेही त्याला करोनाची लागण झाल्याची पोस्ट इन्स्टाग्रामवर केली आहे. त्याने सांगितले, 'मी नुकतीच करोनाची टेस्ट केली. त्याचा रिपोर्ट पॉझिटिव्ह आला आहे. त्यानंतर मी सर्व काळजी घेत असून डॉक्टरांनी दिलेले सर्व सल्ले पाळत आहे. सध्या मी घरातच क्वारंटाइन आहे. खरे तर माझ्यात करोनाची जी लक्षणे होती ती सौम्य होती. परंतु तरीदेखील गेल्या काही दिवसांत जे माझ्या संपर्कात आले होते त्यांनीही टेस्ट करून घ्यावी आणि सगळ्यांनी स्वतःची काळजी घ्या.' सुमितच्या या पोस्टवर सुनील ग्रोव्हर, साकिब सलीम, कुब्रा सैत, गोल्डी बहलसह अनेक कलाकारांनी त्याला काळजी घेण्याचा आणि लवकर बरे होण्यासाठी शुभेच्छा दिल्या आहेत.
from Marathi Bollywood News, Marathi Cinema News https://ift.tt/3dqztsz
