मुंबई: बॉलिवूड अभिनेता बऱ्याच काळाच्या संघर्षानंतर मोठं यश मिळवलं आहे. स्वतःच्या अभिनय कौशल्याच्या जोरावर त्यानं बॉलिवूड आणि प्रेक्षकांच्या मनात स्वतःची वेगळी जागा निर्माण केली आहे. मागच्या बऱ्याच काळापासून कार्तिक आर्यन करण जोहरच्या ''मुळे खूप चर्चेत होता. या चित्रपटात तो जान्हवी कपूरसोबत स्क्रिन शेअर करताना दिसणार होता. पण आता करणच्या धर्मा प्रोडक्शननं कार्तिकला या चित्रपटातून काढून टाकलं आहे आणि यासोबत त्यांनी एक अधिकृत नोटीससुद्धा जारी केली आहे. धर्मा पोडक्शनकडून देण्यात आलेल्या स्टेटमेंटमध्ये असं म्हणण्यात आलं आहे की, व्यवसायिक स्थिती लक्षात घेता आणि यावर कोणतीही प्रतिक्रिया न देता शांतता ठेवण्याचा निर्णय घेतला आहे. आम्ही हा चित्रपट रिकास्ट करणार आहोत आणि लवकरच याची अधिकृत घोषणा केली जाईल. दोस्ताना २ चं दिग्दर्शन Collin D'cunha करत आहेत. सूत्रांच्या माहितीनुसार कार्तिकला या चित्रपटाच्या सेकंड हॉफबद्दल समस्या होती. ज्यामुळे हा चित्रपट आधीच वादाच्या भोवऱ्यात सापडला होता. कार्तिकनं करणकडे या चित्रपटाचं शूटिंग थांबवण्याची विनंती करत त्या वेळात दुसऱ्या चित्रपटाचं शूटिंग पूर्ण केलं ज्यामुळे करण कार्तिक नाराज होता. तर अन्य काही सुत्रांच्या माहितीनुसार कार्तिकला चित्रपटाच्या सेकंड हॉफमध्ये काही बदल करयचे होते. पण त्यानं चित्रपट साइन करण्याआधी चित्रपटाची स्क्रिप्ट वाचली होती. त्यामुळे कार्तिकचं हे वागणं धर्मा प्रोडक्शनला अजिबात आवडलेलं नाही. कार्तिकचा हे वागणं पाहता करण जोहरनं त्याच्यासोबत काम न करण्याचा निर्णय घेतला. मात्र यामुळे धर्मा प्रोडक्शनचं बरंच नुकसान झालं आहे. या चित्रपटाचं एकूण २४ दिवसांचं शूटिंग पूर्ण झालं होतं ज्यात कार्तिक आर्यनच्या २० दिवसांच्या शूटिंगचा समावेश होता. पण आता धर्मा प्रोडक्शननं हा चित्रपट रिकास्ट करण्याचा निर्णय घेतल्यात यात धर्मा प्रोडक्शनला २० कोटींचं नुकसान सहन करावं लागलं आहे. धर्मा प्रोडक्शननं एखाद्या अभिनेत्यासोबत शूटिंग करून नंतर त्याला बाहेर केल्याची ही पहिलीच वेळ आहे. या चित्रपटात अभिनेत्री जान्हवी कपूर मुख्य भूमिकेत दिसणार आहे. दरम्यान जान्हवी आणि कार्तिक यांच्यात काही वाद असल्यानं करणनं कार्तिकला धर्मा प्रोडक्शनमधून बाहेर केल्याची चर्चा देखील आहे. मात्र याला अद्यप अधिकृत पुष्टी मिळालेली नाही.
from Marathi Bollywood News, Marathi Cinema News https://ift.tt/3mW02sH
