मुंबई : सध्या च्या जल्लोषाने चांगलाच जोर धरला आहे. रविवारी झालेल्या या स्पर्धेमध्ये शाहरुख खानच्या टीमने कोलकाता नाईट रायडर्सने टीमचा १० धावांनी पराभव केला. हा विजय केकेआर साठी खूप खास होता. कारण हा त्यांचा आयपीएलमधी १०० वा विजय होता. टीमने विजय मिळवल्याने संघाचा मालक खूपच खूष झाला. टीमला शुभेच्छा देण्यासाठी आणि त्यांचा उत्साह वाढवण्यासाठी त्याने एक खास ट्वीटही केलं आहे. शाहरुखचे हे ट्वीट सध्या सोशल मीडियावर खूपच व्हायरल झाले असून नेटकरी त्याच्यावर भरभरून व्यक्त होत आहेत. काय म्हणाला शाहरुख... शाहरुख खान त्याच्या टीमने आयपीएलमध्ये मिळवलेल्या १०० व्या विजयामुळे प्रचंड खूष झाला आहे. या आनंदामध्ये त्याने आपल्या टीमसाठी खास ट्वीट करत म्हटलं की, 'आयपीएलमधील १०० वा विजय तुम्ही मिळवल्याने मी खूपच आनंदी आहे. मुलांनो, तुम्ही सर्वजण खूपच छान खेळला आहात. तुम्ही सर्वजण कमाल आहात.. ' असा कौतुकाचा वर्षाव करणारे ट्वीट करत त्याने त्याच्या टीममधील खेळाडूंना टॅग केले आहे. शाहरुखच्या या ट्वीटवर अभिषेक बच्चननेही शुभेच्छा दिल्या आहेत. अभिषेकने लिहिले, 'अभिनंदन...' केकेआर टीमचा हा आयपीएलमधील १०० वा विजय असल्याने तो महत्त्वाचा तर होताच, शिवाय यंदाच्या आयपीएलच्या मौसमातील पहिलीच मॅच ते खेळले आणि जिंकल्याने त्यांच्यासाठी हा आनंद अधिकच द्विगुणीत करणारा होता. दरम्यान,शाहरुखच्या वर्क फ्रंटबद्दल सांगायचे तर, सध्या तो आगामी 'पठाण' सिनेमाच्या चित्रिकरणात व्यग्र आहे. या सिनेमात त्याच्यासोबत दीपिका पादुकोण आहे. या सिनेमाशी संबंधित असलेले व्हिडीओ, फोटो सोशल मीडियावर व्हायरल झाले आहेत. एका व्हिडीओमध्ये शाहरुख गाडीत बसून ती छतावर चढवून खलनायकाला मारताना दिसत आहे. त्याचप्रमाणे आलिया भट आणि रणबीर कपूर यांच्या 'ब्रह्मास्त्र' सिनेमातही शाहरुख असल्याची चर्चा आहे. तसेच आर. माधवनच्या 'रॉकेट्री' सिनेमाच्या हिंदी व्हर्जनमध्ये तो दिसणार आहे.
from Marathi Bollywood News, Marathi Cinema News https://ift.tt/2OMhq6Q