मुंबई : करिना कपूरने तिच्या दुसऱ्या मुलाचा आणखी एक फोटो सोशल मीडियावर पोस्ट केला आहे. हा फोटो पोस्ट करताना करिनाने लिहिले की, 'सध्या आमचा वीकेंड असा असतो...' करिनाने आपल्या दोन्ही मुलांचा फोटो पहिल्यांदाच पोस्ट केला आहे. या फोटोमध्ये , तैमूर घरीच छोट्या बाळासोबत खेळताना दिसत आहे. या फोटोत तैमूर एकटक आपल्या भावाकडे पाहताना दिसत आहे. तर सैफ छोट्या बाळाकडे स्मितहास्य करत बघत आहे. अर्थात हा फोटो पोस्ट करताना करिनाने आपल्या छोट्या बाळाचा चेहरा दाखवलेला नाही. त्याच्या चेहऱ्यावर बाळाची इमोजी पोस्ट केली आहे. करिनाच्या बाळाने फोटोमध्ये ब्ल्यू रॉम्पर घातला आहे. बाळाच्या हाताच्या मुठी बंद दिसत आहेत. करिनाने हा फोटो शेअर करत लिहिले की, 'माझा विकेण्ड काहीसा असा असतो, तुमचा कसा असतो?' करिनाने फोटो पोस्ट केल्यानंतर चाहत्यांनी त्यावर भरभरून लाइक आणि कमेंट करायला सुरुवात केली आहे. याआधीही करिनाने आपल्या चिमुकल्यासोबतचा एक फोटो पोस्ट केला होता. याही फोटोमध्येही तिने बाळाचा चेहरा दाखवला नाही. दरम्यान, प्रेग्नन्सीनंतर कामावर परतलेल्या करिनाने नुकतच डिस्कव्हरी शो 'स्टार वर्सेज फूड'चे शूटिंग पूर्ण केले. ज्यात तिने प्रेग्नन्सी वेळचा अनुभव शेअर केला. आपल्या प्रेग्नन्सीच्या दिवसांतील आठवणींना उजाळा देत करिनाने सांगितले की, त्या दिवसांत तिला चीज खाण्याची खूप इच्छा होत असे. या शोमध्ये करिनाने सांगितले की, प्रेग्नन्सीमध्ये तिला नेहमीच पिझ्झा आणि पास्ता खावासा वाटत असे आणि ही अशी इच्छा तिला दोन्ही वेळच्या प्रेग्नन्सीमध्ये व्हायची असेही करिनाने पुढे सांगितले होते.
from Marathi Bollywood News, Marathi Cinema News https://ift.tt/3aipTGf
