मुंबई: हिंदी सिनेमासृष्टीतील आघाडीची अभिनेत्री दीपिका पादुकोनने दीपिकाने मुंबई अकॅडमी ऑफ मुव्हिंग इमेज अर्थात 'मामि' संघटनेच्या देत असल्याचे सांगितले आहे. तशा आशयाची पोस्टही तिने सोशल मीडियावर टाकली आहे. दीपिकाने या संस्थेचा राजीनामा का दिला याबाबतचे तिचे मनोगत सोशल मीडियावर टाकलेल्या एका पोस्टद्वारे मांडले आहे. दीपिका या पोस्टमध्ये म्हणते, ' 'मामि' संस्थेच्या संचालक मंडळात असणे आणि त्या संस्थेची अध्यक्ष म्हणून जबाबदारी हा अनुभव माझ्यासाठी खूप मोलाचा होता. यातून मी खूप काही शिकले आहे. कलाकार म्हणून जगाच्या कानाकोप-यातून येणारे सिनेमे आणि अनेक प्रतिभावान कलाकारांना या संस्थेच्या माध्यमातून मुंबईमध्ये आणणे हे खूप जबाबदारीचे आणि महत्त्वाचे काम होते. ते मला संस्थेच्या निमित्ताने करता आहे. ही संस्था म्हणजे माझे दुसरे घरच आहे. परंतु एक गोष्ट माझ्या लक्षात आली आहे ती म्हणजे सध्या माझ्याकडे खूप काम असून त्यात माझा जास्त वेळ जात आहे. यामुळे 'मामि'च्या कामासाठी आवश्यक तेवढा वेळ आणि लक्ष देणे माझ्यासाठी अशक्य होत आहे. माझी अशी अपेक्षा आहे की या संस्थेची धुरा योग्य व्यक्तीच्या हातांमध्ये दिली जावी. यापुढे जरी मी संस्थेचा भाग नसले तरी तिच्यासोबत असलेले माझे ऋणानुबंध अखेरपर्यंत राहणार आहेत...' दीपिकाने तिच्या या पोस्टच्या सुरुवातीला तिचे आणि सिनेमाच्या नात्यांबद्दल लिहिले आहे, ती म्हणते, ‘आपल्याला कधीही एकटे वाटू न देण्याची ताकद सिनेमात आहे. या डिजीटल स्ट्रिमिंग आणि सोशल मीडियाच्या युगात आपण हळूहळू स्वतःला एकटे करुन घेत आहोत. पण ‘मामि’ ही संस्था जगातील सर्व सिनेप्रेमींना एकत्रितपणे बांधून ठेवते. एक कलाकार म्हणून मला सिनेमाच्या ताकदीवर पूर्ण विश्वास आहे आणि मी तर म्हणेन आपल्याला आत्ता त्याची गरज आधीपेक्षाही जास्त आहे. दीपिकाने २०१९ साली 'मामि'च्या अध्यक्षपदाची सूत्रे किरण राव यांच्याकडून स्वीकारली होती. दरम्यान दीपिकाच्या वर्कफ्रंटबद्दल सांगायचे तर दीपिका आणि रणवीरसिंह यांचा '83' हा सिनेमा तयार झाला असून लवकरच तो प्रदर्शित होईल. हा सिनेमा भारताने क्रिकेटचा वर्ल्डकप जिंकला त्यावर आधारीत असून कपिल देव यांच्या भूमिकेत रणवीर तर रोमी देवची भूमिका दीपिका साकारत आहे. याशिवाय सध्या दीपिकाकडे अनेक मोठ्या बॅनरचे सिनेमे आहेत. त्या सिनेमांच्या चित्रिकरणामध्ये ती व्यग्र आहे. यामध्ये शकुन बात्रा याचा एक प्रोजेक्ट आहे. त्याचप्रमाणे 'पठाण' या सिनेमात दीपिका असून त्यात ती शाहरुख खानबरोबर काम करणार आहे. तसेच बाहुबली फेम अभिनेता प्रभाससोबत एका सिनेमासाठी ती काम करत आहे. यामध्ये तिच्यासोबत हृतिक रोशनही दिसणार आहे. दीपिका 'द इंटरर्न' सिनेमाच्या रिमेकमध्येही काम करणार आहे. या सिनेमात तिच्यासोबत अमिताभ बच्चन दिसणार आहेत.
from Marathi Bollywood News, Marathi Cinema News https://ift.tt/3uIylX1