मुंबई- बॉलिवूड अभिनेत्री सोशल मीडियावर चर्चेत आहे. चित्रपटांपेक्षा तिच्या वैयक्तिक आयुष्यामुळे ती चाहत्यांमध्ये जास्त चर्चेत असते. दियाने १८ फेब्रुवारी २०२१ रोजी वैभव रेखीसोबत लग्नगाठ बांधली होती. तिच्या हनीमूनचे फोटोही सोशल मीडियावर प्रचंड व्हायरल झाले होते. त्यानंतर महिन्याभरातच तिने ती गरोदर असल्याची बातमी एका पोस्टद्वारे चाहत्यांना दिली होती. चाहत्यांनी तिच्यावर शुभेच्छांचा वर्षाव केला होता. पुन्हा एकदा दियाचा एक व्हिडीओ सोशल मीडियावर व्हायरल होतोय. ज्यात दिया गरोदरपणात व्यायाम करताना दिसतेय. एका इन्स्टाग्राम अकाउंटवर शेअर करण्यात आलेल्या या व्हिडीओत दिया बरीच मेहनत करताना दिसत आहे. तिने तिच्या घरातील गच्चीलाच जिम बनवलं आहे. तिथेच ती व्यायाम करत आहे. दियासोबत तिचा जिम इन्स्ट्रक्टरदेखील आहे. ती स्वतःची खूप काळजी घेताना दिसतेय. ती निरनिराळ्या प्रकारचे व्यायाम करतेय. दिया वजन उचलताना दिसते, तर ती नियमित योगसाधनाही करते. दिया आपल्या होणाऱ्या बाळाच्या चांगल्या आरोग्यासाठी जे शक्य आहे ते सगळं करताना दिसतेय. दिया पहिल्यांदाच आई होणार असल्याने तिच्यासाठी हे बाळंतपण खास आहे यात शंका नाही. तिच्या पोस्टमध्ये तिने मी कधीपासून या दिवसाची वाट पाहत होते, असं लिहिलं होतं. व्हिडिओमध्ये तिचं पोट स्पष्टपणे दिसून येत आहे. दिया सोशल मीडियावर नेहमीच चर्चेचा राहिली आहे. दियाने तिच्या लग्नातदेखील अनेक जुन्या प्रथांना फाटा दिला होता. तिने कन्यादान आणि पाठवणीसारख्या प्रथा करायला नकार दिला होता. शिवाय ती तिच्या हनीमूनवर तिच्या सावत्र मुलीला घेऊन गेली होती. दियाच्या या वागण्याचं अनेकांनी कौतुक केलं होतं. नुकताच दियाने तिच्या सावत्र मुलीचा वाढदिवसही साजरा केला होता.
from Marathi Bollywood News, Marathi Cinema News https://ift.tt/3wHzOPl