मुंबई- बॉलिवूडचे शहेनशाह सोशल मीडियावर प्रचंड सक्रिय असतात. ते त्यांच्या आयुष्यातील अनेक आठवणी फोटोंच्या माध्यमातून चाहत्यांसोबत शेअर करत असतात. त्यांच्या चित्रपटांबद्दलही ते सोशल मीडियाच्या माध्यमातून सांगत असतात. परंतु, कधीकधी बिग बींच्या एखाद्या छोट्याशा चुकीने त्यांना ट्रोलही व्हावं लागतं. अमिताभ यांनी चाहत्यांना शुभ रात्री म्हणण्यासाठी ट्विटरवर एक फोटो शेअर केला होता. त्यावरूनच चाहत्यांनी त्यांना ट्रोल केलं आहे. अमिताभ यांनी त्यांच्या ट्विटर हॅण्डलवरून त्यांचा झोपलेला फोटो शेअर केला. त्या ट्वीटमध्ये ते नेटकऱ्यांना शुभ रात्री म्हणाले. या फोटोत ते पलंगावर शांत झोपले आहेत. हे ट्वीट त्यांनी रात्री १२ वाजून गेल्यावर केलं. त्यानंतर नेटकऱ्यांनी अमिताभ यांना प्रश्न विचारायला सुरुवात केली. त्यांच्या मते जर अमिताभ १२ वाजता झोपी गेले तर ते झोपलेले असताना हा फोटो कुणी काढला? तसंच कुणी काढलादेखील असेल तर हे ट्वीट कोणी केलं? असे अनेक प्रश्न विचारत नेटकऱ्यांनी बिग बींना ट्रोल करायला सुरुवात केली. प्रत्येक युझरने त्यांना फोटो कुणी काढला हे विचारून भंडावून सोडलं तर काहींचं लक्ष त्यांच्या डोक्याजवळ ठेवलेल्या औषधांच्या बाटल्यांकडे गेलं. त्यानंतर नेटकऱ्यांनी त्यावरूनही अमिताभ यांना प्रश्न विचारले. काहींनी तर त्यांचे झोपेत असतानाचे मजेशीर मीम बनवून शेअर केले आहेत. अमिताभ सध्या त्यांच्या आगामी चित्रपट 'गुडबाय' चं चित्रीकरण करत आहेत. याशिवाय त्यांचे अनेक चित्रपट प्रदर्शनासाठी तयार आहेत. इम्रान हाश्मीसोबतचा '' चित्रपटदेखील यावर्षी प्रदर्शित होणार आहे. त्याशिवाय नागराज मंजुळे यांचं दिग्दर्शन असलेला '' चित्रपटदेखील याच वर्षी प्रदर्शित होणार आहे. सोबतच ते आलिया भट्ट आणि रणबीर कपूरसोबत 'ब्रम्हास्त्र' चित्रपटात देखील झळकणार आहेत.
from Marathi Bollywood News, Marathi Cinema News https://ift.tt/3dKAfj2