मुंबई : इंडियन प्रीमिअर लीग २०२१ या स्पर्धेला सुरुवात होण्यासाठी काही तास बाकी आहेत. ही स्पर्धा सुरू होण्याआधीच सोशल मीडियावर त्याचा माहौल तयार झाला आहे. क्रिकेटशी संबंधित काही सेलिब्रिटींचे व्हिडीओ सोशल मीडियावर खूपच व्हायरल झाले आहेत. यामध्ये बॉलिवूडचा ख्यातनाम अभिनेता आणि टीमचा खेळाडू यांचा व्हिडीओने चाहत्यांची मने जिंकली आहेत. या व्हिडीओमध्ये रणवीर अजिंक्यला बॉलिंग करताना दिसत आहे. तर रणवीरच्या बॉलिंगचा अजिंक्य राहुल द्रविड स्टाइलने बचाव करताना दिसत आहे. रणरवीसोबतचा हा मजेशीर व्हिडीओ अजिंक्यने त्याच्या इन्टाग्राम अकाऊंटवर शेअर केला आहे. हा व्हिडीओ शेअर करताना अजिंक्य लिहिलतो, ' जेव्हा सिंबा माझ्या गल्लीत येतो तेव्हा क्रिकेटचा एक शॉट तर नक्कीच बनतो ना!' अजिंक्यच्या या व्हिडीओला आणि पोस्टला रणवीरनेही त्याच्या स्टाइलमध्ये उत्तर दिले आहे. तो म्हणतो, ' जबरदस्त ड्राइव्ह... आणि जिंक्सच्या खात्यामध्ये चार धावा जमा झाल्या...' हा व्हिडीओ पाहून सर्वसामान्यांवरच नाही तर बॉलिवूडमधील सेलिब्रिटींवरही आयपीएलची नशा चढली आहे. दरम्यान रणवीरच्या आगामी सिनेमांबाबत बोलायचे झाले तर लवकरच रिलीज होणाऱ्या '८३' मध्ये तो दिसणार आहे. हा सिनेमा भारतीय क्रिकेट संघाने १९८३ मध्ये जिंकलेल्या विश्वचषकावर आधारीत आहे. या सिनेमात रणवीरने कपील देव यांची भूमिका साकारली आहे. या सिनेमात रणवीरसोबत दीपिकाही दिसणार असून तिने कपील देव यांच्या बायकोची भूमिका साकारली आहे. हा विश्वचषक भारतीय क्रिकेट संघाने जिंकल्यामुळे देशातील कोट्वधी जनतेसाठी अभिमानाचा असा क्षण होता.
from Marathi Bollywood News, Marathi Cinema News https://ift.tt/3fXCvGG
