मुंबई- बॉलिवूडचे शहेनशाह त्यांच्या अभिनया इतकेच त्यांच्या अनोख्या विचार करण्याच्या पद्धतीसाठीही ओळखले जातात. त्यांची बुद्धिमत्ता तर अफाट आहेच शिवाय ते त्यांच्या शब्दांचा योग्य वापर करताना देखील दिसतात. त्यासोबतच खेळकर वातावरणात ते अनेकदा समोरच्याची फिरकी घेतानादेखील दिसतात. अमिताभ यांनी बॉलिवूड अभिनेत्री हिची देखील अशीच फिरकी घेतली होती आणि त्यावेळेस अभिनेत्री मात्र लाजून चूर झाली होती. तीन वर्षांपूर्वी अनुष्का वरुण धवनसोबत आपल्या 'सुई धागा' चित्रपटाच्या प्रसिद्धीसाठी '' या कार्यक्रमात सहभागी झाली होती. त्यावेळेस अमिताभ यांनी हॉट सीटवर बसलेल्या स्पर्धकाला विचारलं, 'तुम्ही टीव्हीवर क्रिकेट पाहता?' त्यावर स्पर्धक म्हणाली, 'नाही.' तेव्हा बिग बी म्हणाले, 'अनुष्का पाहते.' त्यामुळे गोंधळलेल्या स्पर्धकाचा चेहरा पाहून अनुष्का तिला सांगते की तिचा नवरा क्रिकेटर आहे आणि त्याच्यासाठी ती क्रिकेट पाहते. त्यावर बिग बी म्हणतात, 'फक्त त्याच्यासाठी?' तेव्हा आपलं वाक्य बदलत अनुष्का म्हणते, 'आपल्या टीमला सपोर्ट करण्यासाठी मी क्रिकेट पाहते.' त्यावर अनुष्काची फिरकी घेत अमिताभ म्हणतात, 'सगळ्यांना माहितीये टीव्हीवर काय होतं आणि विराट तुला मैदानातून फ्लाईंग किस देतो त्याचं काय?' हे ऐकून अनुष्का प्रचंड लाजते आणि तिथे उपस्थित सगळे हसू लागतात. अमिताभ यांच्या असं म्हणण्यामागचं कारण म्हणजे, विराट जेव्हाही मैदानात शतक पूर्ण करतो तेव्हा तो कॅमेराकडे पाहून सगळ्यांसमोर आपल्या लाडक्या पत्नीसाठी फ्लाईंग किस देतो. नुकत्याच झालेल्या आयपीएल सामन्यात विराटने अर्धशतक केल्यावर पॅव्हेलियनमध्ये असलेल्या अनुष्काला फ्लाईंग किस दिली होती. तर वामिकाला कुशीत घेण्याचा इशारा देखील केला होता. विराटचा तो व्हिडीओ खूप व्हायरल झाला होता.
from Marathi Bollywood News, Marathi Cinema News https://ift.tt/3eLEb3R
