मुंबई: बॉलिवूड अभिनेत्री मागच्या काही काळापासून सातत्यानं सोशल मीडियावर चर्चेत आहे. मग तिचा आगामी चित्रपट असो किंवा मग रिलेशनशिप स्टेटस. प्रत्येक गोष्टीची सोशल मीडियावर चर्चा होते. पण यावेळी मात्र आलियाची चर्चा एका व्हिडीओमुळे होताना दिसत आहे. एका पाकिस्तानी रॅपरनं नुकतंच बॉलिवूड अभिनेत्री आलिया भट्टवर एक रॅप सॉन्ग तयार केलं आहे. ज्याचा व्हिडीओ सध्या सोशल मीडियावर जोरदार चर्चेचा विषय ठरला आहे. या रॅपरनं या गाण्याचा व्हिडीओ त्याच्या सोशल मीडियावर शेअर करताच त्यावर युझर्सच्या कमेंटचा पाऊस पडताना दिसत आहे. एवढंच नाही तर स्वतः आलिया भट्टनं सुद्धा यावर कमेंट केली आहे. पाकिस्तानी रॅपर मुहम्मद शाहनं नुकताच त्याच्या इन्स्टाग्रामवर एक व्हिडीओ शेअर केला आहे. हा व्हिडीओ त्याच्या आलिया भट्टवर तयार केलेल्या रॅपचा आहे. या व्हिडीओमध्ये सुरुवातीला त्याचा मित्र त्याला आलिया भट्टवर गाणं तयार करण्याचा सल्ला देतो. त्यानंतर आलिया रॅप हा रॅपर गाताना दिसतो आणि सर्वात शेवटी तो म्हणतो, पण तिचा तर बॉयफ्रेंड आहे मग जान्हवी कपूरवर एक गाणं तयार केलं पाहिजे. यावरून असं वाटतंय की हा रॅपर लवकरच जान्हवीवरही एखादं रॅप तयार करेल. व्हिडीओ शेअर करताना या रॅपरनं कॅप्शनमध्ये लिहिलं, 'What if च्या पहिल्या एपिसोडमध्ये... #onlylovetoshare' या रॅपरनं हा व्हिडीओ शेअर केल्यानंतर अनेक सोशल मीडिया युझर्सनं यावर कमेंट केल्या आहेत. पण अभिनेत्री सुद्धा यावर कमेंट करण्यापासून स्वतःला थांबवू शकली नाही. तिनं, 'बहुत हार्ड' असं लिहित त्यासोबत फायर इमोजी पोस्ट केले आहे. सध्या आलिया भट्ट बॉयफ्रेंड रणबीर कपूरसोबत मालदीवमध्ये व्हेकेशन एन्जॉय करत आहे. काही दिवसांपूर्वीच हे दोघंही करोनातून ठीक झाले आहेत. आलियाच्या वर्कफ्रंटबद्दल बोलायचं तर ती लवकरच अयान मुखर्जीच्या 'ब्रह्मास्त्र' या चित्रपटात रणबीर कपूरसोबत स्क्रिन शेअर करताना दिसणार आहे. याशिवाय तिच्याकडे संजय लीला भन्साळी यांचा 'गंगूबाई काठियावाडी' हा चित्रपटसुद्धा आहे. ज्यात अजय देवगणचीही महत्त्वपूर्ण भूमिका आहे. तसेच एस एस राजामौली यांच्या 'RRR' या चित्रपटातून ती दाक्षिणात्य चित्रपटसृष्टीत पाऊल टाकत आहे.
from Marathi Bollywood News, Marathi Cinema News https://ift.tt/3ekVfNz
