मुंबई- काळात अभिनेता सोनू सूदने गरजू लोकांना केलेली मदत कोणीही विसरू शकत नाही. कठीण काळात तो त्यांच्यासाठी देवासारखा धावून आला होता. सोनूने कामगारांच्या खाण्या-पिण्यापासून त्यांच्या प्रवासापर्यंत सगळी जबाबदारी स्वतःच्या खांद्यावर घेतली होती. या कामाची दखल फक्त राज्य सरकार किंवा केंद्रानेच घेतली नाही तर जगभरात सोनूच्या या कामाचं कौतुक करण्यात आलं. अनेक नावाजलेल्या पुरस्कारांनी त्याला गौरविण्यात आलं. दरम्यान आता सोनूचा अजून एक व्हिडीओ सोशल मीडियावर व्हायरल होत आहे. ज्यात तो चक्क डोसा बनवताना दिसत आहे. त्याची कला पाहून फराह खानने त्याला घरी येण्याचं आमंत्रणही दिलं. व्हिडिओमध्ये सोनूच्या अंगात असलेली ही अनोखी कला चाहत्यांना पाहायला मिळाली आहे. चित्रपटाच्या सेटवर सोनू स्वतः डोसे बनवत आहे. सोनूने त्याच्या इन्स्टाग्राम अकाउंटवर हा व्हिडीओ शेअर केला आहे. यावेळी तो डोसे बनवण्याच्या टिप्सदेखील सांगत आहे. त्याची ही कला पाहून चाहत्यांसह अनेक सेलिब्रिटीही त्याचं कौतुक करत आहेत. दिग्दर्शिका हिने तर चक्क सोनूला तिच्या घरी येण्याचं आमंत्रण दिलं आहे. तिने व्हिडिओवर कमेंट करत म्हटलं, 'घरी ये मग.' फराहच्या या कमेंटवर सोनूने अत्यंत सुंदर आणि मजेशीर उत्तर दिलं आहे. त्याने तिचं आमंत्रण पाहून लिहिलं, 'निर्मात्यांनी मला फक्त डोसे बनवायला आज सुट्टीच्या दिवशीदेखील कामावर बोलवलं आहे. आज माझी सुट्टी होती.' सोनूने दिलेलं हे उत्तर वाचून चाहत्यांना हसू फुटलं. शिवाय, सोनूचा डोसे बनवण्याचा अंदाज आणि ते इतरांना देण्याची स्टाइलदेखील चाहत्यांना भरपूर आवडली आहे. सोनू काही दिवसांपूर्वी पंजाबी गाण्याच्या व्हिडिओमध्ये दिसला होता. सध्या तो त्याच्या आगामी 'किसान' चित्रपटाच्या चित्रीकरणात व्यग्र आहे.
from Marathi Bollywood News, Marathi Cinema News https://ift.tt/3g6gYLP