मुंबई : अभिनेत्री हिचा 'साइना' हा सिनेमा गेल्याच महिन्यामध्ये थिएटरमध्ये रिलीज झाला होता. आता हा सिनेमा ओटीटी प्लॅटफॉर्मवरही रिलीज होणार आहे. हा सिनेमा येत्या २३ एप्रिलला अमेझॉनवर रिलीज होणार आहे. हा सिनेमा ग्लोबल प्लॅटफॉर्मवर रिलीज होत असल्याने अभिनेत्री परिणीती खूष झाली आहे. कारण आता हा सिनेमा जास्तीत जास्त लोकांना पाहता येणार आहे. ती पुढे म्हणाली, ' देशातील अग्रणी बॅटमिंटनपटू सायना नेहवालच्या आयु्ष्यावर आधारीत असलेल्या हा सिनेमा यामुळे ख-या अर्थाने ग्लोबल पातळीवर गेला आहे. जगभरातील लोक सायनाची ही प्रेरणादायी कथा पाहू शकतील. पडद्यावर सायना साकारणे माझ्यासाठी खूपच आव्हानात्मक होते. हे आव्हान मी माझ्यापरीने पेलण्याचा प्रयत्न केला आहे... आज आंतरराष्ट्रीय खेळाडू होण्याचा साइनाचा जो प्रवास आहे तो तिच्यासाठी तिच्याकुटुंबासाठी सोपा नव्हता. अनेक अडीअचणींमधून मार्ग काढत ती आज या स्थानावर येऊन पोहोचली आहे. ज्यांना खेळाची विशेषतः खेळाची आवड आहे, त्यांच्यासाठी हा सिनेमा नक्कीच प्रेरणादायी आहे. ' 'साइना' हा सिनेमा अमोल गुप्ते यांनी दिग्दर्शित केला असून टी सीरिजचे मालक भूषण कुमार याचे निर्माते आहेत. त्याचबरोबर दीपा भाटिया, विनोद भानुशाली आणि शिव चन्ना, कृष्ण कुमार सुजय जयराज राजेश शहा हे सहनिर्माते आहेत. या सिनेमामध्ये लहानपणीची सायना ते आंतरराष्ट्रीय पातळीवरची बॅटमिंटनपटू सायना हिचा संपूर्ण जीवनप्रवास दाखवण्यात आलाआहे. सायनाच्या लहापणाच्या काही खास आठवणी, घटना या सिनेमात दाखवल्या आहेत. हरियाणा ते हैदराबाद हा तिचा प्रवास तिने कसा केला याचे चित्रण यामध्ये केले आहे. हा संपूर्ण सिनेमा सायनाने केलेला संघर्ष, तिचा खेळ याभोवती गुंफलेला आहे.
from Marathi Bollywood News, Marathi Cinema News https://ift.tt/3ajhUZJ
