मुंबई: राज्यात करोनाचा प्रकोप आणखी वाढला असून, सिनेसृष्टीतील कलाकारही करोनाच्या विळख्यात सापडले आहेत. बॉलिवूडमधील अनेक कलाकारांना करोनाची लागण झाली असून मराठी सिनेसृष्टीचं चित्र काही वेगळं नाहीए. मराठी मालिका आणि चित्रपटसृष्टीतील अनेक कलाकारांना करोनाची लागण झाल्याचं समोर आलं आहे. 'लागीरं झालं जी' फेम अभिनेत्री हिचा रिपोर्ट देखील पॉझिटिव्ह आला आहे. तिनं सोशल मीडियावर पोस्ट शेअर करत याबद्दल माहिती दिली आहे. 'सर्व काळजी आणि खबरदारी घेऊनही, दुर्दैवाने माझी चाचणी पॉझिटिव्ह आली आहे.सर्व आवश्यक प्रोटोकॉलचे पालन करत, मी माझ्या डॉक्टरांनी सांगितल्यानुसार औषधोपचार करीत आहे. मी सर्वांना विनंती करते की कृपया खबरदारी घ्या आणि आवश्यक असल्यासच बाहेर पडा. सुरक्षित रहा आणि निरोगी रहा', असं शिवानीने तिच्या पोस्टमध्ये म्हटलं आहे.
from Marathi Bollywood News, Marathi Cinema News https://ift.tt/3edl1TV
