मुंबई: बॉलिवूड अभिनेता सध्या सोशल मीडियावर सर्वांच्याच चर्चेचा विषय आहे. धर्मा प्रॉडक्शनचा चित्रपट 'दोस्ताना २'मधून कार्तिकला बाहेर करण्यात आलं आहे. त्यानंतर कार्तिकच्या चाहत्यांनी त्याला सोशल मीडियावरून पाठिंबा द्यायला सुरुवात केली आहे. पण कार्तिकच्या चाहत्यांसोबतच अभिनेत्री कंगना रणौतनंही कार्तिकचला आपला पाठिंबा दर्शवला आहे आणि यासोबतच तिनं आणि धर्मा प्रॉडक्शनवर जोरदार टीका सुद्धा केली आहे. याबाबत कंगनानं एका मागोमाग एक बरेच ट्वीट्स केले आहेत. कंगनानं आपल्या ट्वीटमध्ये लिहिलं, 'कार्तिक आर्यन स्वतःच्या मेहनतीवर या ठिकाणी पोहोचला आहे आणि यापुढेही तो स्वतःच्या मेहनतीवरच पुढे जात राहील. फक्त 'पापा जो' आणि त्यांची नेपो गँग यांना विनंती आहे की, कृपया आता त्याला एकटं सोडा. सुशांतसिंह राजपूतसारखं आता कार्तिकच्या मागे लागून त्याला फासावर लटकण्यास असहय्य करू नका. गिधाडांनो कृपया त्याला एकटं सोडा.' कंगनानं तिच्या पुढच्या ट्वीटमध्ये लिहिलं, 'कार्तिक आर्यन या चिल्लर लोकांना घाबरण्याची गरज नाही. वाईट आर्टिकल लिहून आणि घोषणा करून हे लोक फक्त तुझा आत्मविश्वास कमी करण्याचा प्रयत्न करत आहेत आणि मग यासाठी तुलाच जबाबदार ठरवून स्वतः मौन राहतील. त्यांनी सुशांतसिंह राजपूतचं ड्रग्सचं व्यसन आणि वाईट व्यवहाराची कथा अशीच पसरवली होती.' आपल्या पुढच्या ट्वीटमध्ये कंगना म्हणाली, 'कार्तिक आर्यन आम्ही तुझ्यासोबत आहोत. ज्यांनी तुला तयार केलं नाही ते तुला तोडूही शकत नाहीत. आज तुला कदाचित एकटं वाटत असेल पण असं वाटून घेण्याची अजिबात गरज नाही. प्रत्येकाला 'ड्रामा क्वीन जो'बद्दल माहीत आहे. स्वतःवर विश्वास ठेव.' व्यतिरिक्त कार्तिक आर्यनच्या चाहत्यांनीही सोशल मीडियावरून करण जोहरवर टीका केली आहे. एका चाहत्यानं लिहिलं, 'अचानक नकारात्मक पीआर, कार्तिक आर्यनच्याच विरोधात का? अनपेक्षित आहे हे ! का एवढे वाईट आर्टिकल आणि पीआर नेहमीच बाहेरुन आलेल्या कलाकारांबद्दल होत असतं. याच कारणानं आम्ही सुशांतला गमावलं आहे. कंगना यांच्या विरोधात लढत आहे आणि आता कार्तिकला सुद्धा लढावं लागेल.' अन्य एका चाहत्यानं लिहिलं, 'ज्या प्रकारे कार्तिक आर्यन या लोकांच्या घाणेरड्या पॉलिटिक्सपासून स्वतःचा बचाव करतो आणि यांच्यापासून दूर राहतो हे खरंच उल्लेखनिय आहे. असाच चमकत राहा कार्तिक आर्यन.' तर दुसऱ्या एका चाहत्यानं लिहिलं, 'जे लोक कार्तिकला अनप्रोफेशनल समजतात ते खरंच मुर्ख आहेत कार्तिक या इंडस्ट्रीमधल्या सर्वात प्रतिभाशाली आणि मेहनती लोकांपैकी एक आहे.'
from Marathi Bollywood News, Marathi Cinema News https://ift.tt/3aiiKWl
