मुंबई- बॉलिवूड अभिनेता आता दिग्दर्शक म्हणून पदार्पण करत आहे. त्याने दिग्दर्शित केलेला ‘रॉकेट्री : नंबी इफेक्ट’ सिनेमाचा ट्रेलर प्रदर्शित झाला आहे. या ट्रेलरमध्ये बॉलिवूडचा बादशहा शाहरुख खानही एका भूमिकेत दिसत आहे. ट्रेलर प्रदर्शित झाल्यानंतर अमिताभ बच्चन, अभिषेक बच्चन, प्रियांका चोप्रा, हृतिक रोशन यांनी भरभरून कौतुक करत सिनेमाला शुभेच्छा दिल्या आहेत. ‘रॉकेट्री : नंबी इफेक्ट’ हा सिनेमा इस्रोमधील वैज्ञानिक नंबी नारायण यांच्या आयुष्यावर आधारित आहे. २ मिनिटं ४५ सेकंदाच्या ट्रेलरमध्ये नंबी यांचा संपूर्ण जीवनप्रवास दाखवला आहे. नंबी यांची भूमिका आर. माधवन साकारताना दिसत आहे तर एका पत्रकाराच्या भूमिकेत दिसणार आहे. ट्रेलरच्या सुरुवातीला एका कार्यक्रमात शाहरुख खान नंबी यांना काही प्रश्न विचारताना दिसत आहे. नंबी हे इस्रोसाठी काम करत असतात. पण त्यांच्यावर काही गुप्त माहिती इतर देशांना पुरवल्याचा आरोप करण्यात येतो. नंबी यांच्या संघर्षाची कथा या चित्रपटात दाखवण्यात येणार आहे. सध्या या चित्रपटाचा ट्रेलर सोशल मीडियावर चर्चेत आहे. माधवनचे जबरदस्त डायलॉग आर. माधवनचे दिग्दर्शन असलेल्या या सिनेमाची खूप दिवसांपासून चर्चा होती. आता या सिनेमाचा ट्रेलर रिलीज झाला असून त्याला भरभरून प्रतिसाद मिळत आहे. 'किसी को बर्बाद करना हो तो एलान कर दो वे देशद्रोही है... ' हा माधवनचा डायलॉग खूपच व्हायरल झाला आहे. या डायलॉगवरून वेगवेगळ्या प्रकारच्या पोस्टचा ट्रेंड सोशल मीडियावर सुरू झाला आहे. कधी होणार रिलीज पुन्हा एकदा करोनाचा उद्रेक झाला असून त्याचा परिणाम मनोरंजन सृष्टीवरही झाला आहे. त्यामुळे 'रॉकेट्री : नंबी इफेक्ट' हा सिनेमा कधी रिलीज होणार याबाबत कोणतीही घोषणा झालेली नाही. दरम्यान हा सिनेमा एकाच वेळी इंग्रजी, तमिळ, तेलुगू, हिंदी, मल्याळम आणि कन्नड अशा सहा भाषांमध्ये प्रदर्शित होणार आहे. निर्माता आणि दिग्दर्शकहीगेल्या काही दिवसांपूर्वी आर. माधवन याला करोना झाला असून तो क्वारन्टाइन आहे. मात्र, त्यानंतरही या सिनेमाचा ट्रेलर रिलीज झाला आहे. हा सिनेमा माधवनसाठी खूपच महत्त्वाचा आहे. कारण यामध्ये तो अभिनेता तर आहेच शिवाय पटकथा, दिग्दर्शक आणि निर्माता अशा तिहेरी भूमिकेत तो दिसणार आहे. शाहरुख पाहुणा कलाकार ‘रॉकेट्री : नंबी इफेक्ट’ या सिनेमातून आर.माधवन दिग्दर्शक म्हणून पदार्पण करत आहे. तसेच शाहरुख या चित्रपटात पाहुण्या कलाकाराच्या भूमिकेत दिसणार आहे. त्यामुळे चाहत्यांमध्ये चित्रपटाबाबत उत्सुकता पाहायला मिळते. ट्रेलरचे कौतुक दरम्यान, यासिनेमाचा ट्रेलर प्रदर्शित झाल्यानंतर त्याला सिनेरसिकांनी तर भरभरून प्रतिसाद दिला आहेच. शिवाय बॉलिवूडमधील अनेक कलाकारांनी त्याचे कौतुक करत शुभेच्छा दिल्या आहेत.त्यामध्ये अमिताभ बच्चन, अभिषेक बच्चन, प्रियांका चोप्रा, हृतिक रोशन यांचा समावेश आहे.
from Marathi Bollywood News, Marathi Cinema News https://ift.tt/3cKnqGo
