मुंबई: च्या चाहत्यांसाठी एका मागोमाग एक वाईट वृत्तच येताना दिसत आहेत. अगोदर पवनदीप राजन आणि आशिष कुलकर्णी यांना करोनाची लागण झाल्यानंतर आता या शोमधील स्पर्धक सुद्धा या शोच्या या आठवड्याच्या एपिसोडमध्ये दिसणार नाही आहे. सवाईची तब्येत अचानक बिघडल्यानं त्याला या आठवड्याच्या यांच्यासोबतच्या एपिसोडमध्ये सहभागी होता आलं नाही. एवढंच नाही तर शोचं शूटिंग सुद्धा त्याला अचानक सोडावं लागलं. शनिवारी जेव्हा योग गुरू बाबा रामदेव यांच्यासोबतचा एपिसोड प्रसारित झाला त्यावेळी असा प्रश्न उपस्थित केला गेला की, पवनदीप राजन आणि आशिष कुलकर्णी यांच्यासोबत आता सवाई भाटला सुद्धा करोनाची लागण झाली की काय? पण यावर शोच्या मेकर्सनी आता मौन सोडलं आहे. सूत्रांच्या माहितीनुसार सवाई भाटची तब्येत अचानक बिघडल्यानं त्याला बाबा रामदेव ज्या एपिसोडसाठी प्रमुख पाहुणे म्हणून आले होते या एपिसोडचं शूटिंग करता आलं नाहीय. पण आता सवाईची तब्येत ठीक असून आगामी आठवड्याच्या एपिसोडसाठी तो शोमध्ये सहभागी होणार आहे. येत्या आठवड्यात अभिनेत्री जया प्रदा या शोमध्ये हजेरी लावणार आहेत आणि या एपिसोडमध्ये सवाई भाट आपल्या गाण्याची जादू दाखवताना दिसणार आहे. सवाई भाटनं क्लासिकल सिंगिंगमधून देशातील लोकांची मनं जिंकली आहे. त्यांच्या या कौशल्याचं शोचे परीक्षक आणि बॉलिवूड कलाकार तसेच दिग्गज गायकांनीही वेळोवेळो कौतुक केलं आहे. त्यामुळे नुकत्याच प्रसारित झालेल्या एपिसोडमध्ये सवाई भाट नसणं ही चाहत्यासाठी चिंतेची बाब होती. दरम्यान तो करोना पॉझिटिव्ह असल्याचंही बोललं जात होतं मात्र आता सत्य समोर आलं आहे.
from Marathi Bollywood News, Marathi Cinema News https://ift.tt/32lPSIC
