मुंबई: बॉलिवूडची प्रसिद्ध कोरिओग्राफर आणि दिग्दर्शक काही दिवसांपूर्वी एका व्हायरल व्हिडीओमुळे खूप चर्चेत आली होती. आंबे विकत घेतानाचा तिचा एक व्हिडीओ व्हायरल झाला होता. ज्यात ती मास्क काढून त्या आंब्यांचा वास घेताना दिसली. ज्यामुळे तिला सोशल मीडियावर खूप ट्रोल सुद्धा करण्यात आलं होतं. आता फराहचा एक नवा व्हिडीओ सोशल मीडियावर व्हायरल झाला आहे. ज्यात ती तिच्या जुन्या व्हिडीओबाबत फोटोग्राफर्सना हटकताना दिसत आहे. आंबे विकत घेत असताना मास्क काढून त्यांचा वास घेत असतानाचा फराहचा एक व्हिडीओ काही दिवसांपूर्वी व्हायरल झाला होता. हा व्हिडीओ सेलिब्रेटी फोटोग्राफर विरल भयानी यांनी त्यांच्या इन्स्टाग्रामवर शेअर केला होता. त्यानंतर आता पुन्हा व्हायरल झालेल्या व्हिडीओमध्ये फराह काही फोटोग्राफर्सना त्या जुन्या व्हिडीओबद्दल हटकताना दिसत आहे. तो व्हिडीओ कोणी शूट केला होता असं ती त्या फोटोग्राफर्सना विचारते ज्यावर सर्वजण हसू लागतात आणि फराहला विचारतात तुमचा व्हिडीओ खूप व्हायरल झाला होता तुम्हाला आवडलं का? त्यावर फराह हसून त्यांना बाय बोलून निघून जाते. दरम्यान काही दिवसांपूर्वी फराह खानचा आंबे विकत घेताना मास्क काढून त्यांचा वास घेतानाचा व्हिडीओ सोशल मीडियावर खूप व्हायरल झाला होता. फराहच्या व्हिडीओवर कमेंट करताना एका युझरनं लिहिलं, 'मास्क काढून आंब्यांचा वास कोण घेतं? कोविडचं संक्रमण होत असताना आणि तेही महाराष्ट्रात. कॉमन सेन्स विकून आंबे खरेदी केले का?' दुसऱ्या एका युझरनं लिहिलं, 'अखेर इन्फेक्शन नाकापर्यंत पोहोचलंच' तर आणखी एका युझरनंही फराहवर टीका करताना लिहिलं, 'असंच वागायचं तर मग मास्क वापरण्याचा फायदाच काय आहे.' फराह खान बॉलिवूडची प्रसिद्ध डान्स कोरिओग्राफर असण्यासोबतच एक उत्तम दिग्दर्शक सुद्धा आहे. तिनं 'हॅप्पी न्यू ईयर', 'ओम शांति ओम', 'तीस मार खान' सारख्या चित्रपटांचं दिग्दर्शन केलं आहे. या व्यतिरिक्त तिनं १०० पेक्षा जास्त गाण्यांसांठी डान्स कोरिओग्राफी सुद्धा केली आहे. पर्सनल लाइफबद्दल सांगायचं तर तिनं शिरिष कुंदरशी लग्न केलं होतं आणि त्यांना तीन मुलं सुद्धा आहेत.
from Marathi Bollywood News, Marathi Cinema News https://ift.tt/3cKjd5u
