नवी दिल्ली सेल्युलर ऑपरेटर असोसिएशन ऑफ इंडियाने (सीओएआय)तर्फे नुकतेच सार्वजनिक सल्लागारात, नागरिकांना फसव्या ऑनलाईन एसएमएसना बळी न पडण्याचे आवाहन केले आहे. सरकारच्या वतीने ऑनलाईन शिक्षणाकरिता १०० दशलक्ष विद्यार्थ्यांना मोफत रिचार्ज देण्यात येत असल्याचाची लिंक सध्या मोठ्या प्रमाणावर फॉरवर्ड होत आहे. परंतु, हे दुसरे काही नसून ऑनलाईन फसवेगिरी असलयाचेही या सल्लागाराच्या म्हटले आहे. आमच्या निदर्शनास आले आहे कि, सोशल मीडिया प्लॅटफॉर्मवर फसवे मॅसेजेस चुकीच्या हेतूने फॉरवर्ड होत आहेत. यात सरकारच्या वतीने ऑनलाईन शिक्षणाकरिता १०० दशलक्ष विद्यार्थ्यांना मोफत रिचार्ज देण्यात येत असल्याचाची लिंक सध्या मोठ्या प्रमाणावर फॉरवर्ड होत असून ही ऑफर मिळविण्यासाठी त्या लिंकवर क्लिक करण्यास सांगितले जाते, तो मॅसेज आणि लिंक खोटी आहे असे एल.टी. जनरल डॉ. एस.पी. कोचर डायरेक्टर जरनल सीओआय यांनी सांगितले .फक्त हा मॅसेज फॉरवर्ड न करता प्रत्येकजण एकत्र येऊन याविरूद्ध लढू शकतो आणि इतरांना फसवण्यापासून वाचवू शकतो. जर तुम्हाला असा एसएममएस मिळाला असेल तर लिंकवर क्लिक करू नका कारण यामुळे मोबाइल डिव्हाइसवरून डेटा आणि माहिती चोरी होऊ शकते आणि त्याचे इतर गंभीर परिणामही होऊ शकतात. असेही ते म्हणाले तसेच, व्हाट्स अप वर येणाऱ्या नोकरी संदर्भातील ऑफर्सवर देखील विश्वास ठेवू नका. नुकताच व्हाट्स अपवर रोज ५००० रुपये कामविता येईल आणि त्याकरिता एक ऑनलाईन ट्रेनिंग होईल असा मॅसेज मोठ्या प्रमाणात फॉरवड झाला होता. यात एक लिंक सुद्धा देण्यात आली होती. यावर क्लिक करू नका कारण यामुळे मोबाइल डिव्हाइसवरून डेटा आणि माहिती चोरी होऊ शकते आणि त्याचे इतर गंभीर परिणामही होऊ शकतात.” अनेकदा या प्रकारच्या मॅसेजेसमध्ये कोरोनामुळे लोकांवर आर्थिक संकट ओढवले आहे, त्यांच्या नोकऱ्या जात आहे. पण तुम्ही ' लकी' आहात या प्रकरचा आशय असतो. नागरिकांचा विश्वास मिळविण्याचा प्रयत्न यातून केला जातो.
from Gadget News in Marathi: Computer, Mobile, Auto News in Marathi | Maharashtra Times https://ift.tt/2QHLD7A
