मुंबई: बॉलिवूड अभिनेता सुशांतसिंह राजपूतच्या निधनानंतर त्याची कथित गर्लफ्रेंड सोशल मीडियावर नेहमीत चर्चेत असते. सुशांतच्या केसमध्ये रिया चक्रवर्तीला दोषी ठरवण्यात आलं आहे. तेव्हापासून रियाला सोशल मीडियावर वारंवार ट्रोल केलं जात आहे. दरम्यान सध्या रिया स्वतःचं आयुष्य नॉर्मल करण्याचा प्रयत्न करत आहे. पण तिला सुनावण्यामध्ये कोणतीच कसर सोडत नाही. नुकतीच रिया मुंबई एअरपोर्टवर दिसली. त्यावेळीचा तिचा हा व्हिडीओ सोशल मीडियावर व्हायरल झाल्यानंतर तिला पुन्हा एकदा ट्रोल केलं जात आहे. सेलिब्रेटी फोटोग्राफर विरल भयानी यांनी त्याच्या इन्स्टाग्रामवर रिया चक्रवर्चीचा हा एअरपोर्ट व्हिडीओ शेअर केला आहे. या व्हिडीओमध्ये ती एअरपोर्टवर एंट्री घेताना दिसत आहे. रियानं यावेळी कोविडच्या नियमांचं पालन करताना मास्क आणि फेस शिल्डचा वापर केला होता. यावेळी रियाला फोटोग्राफर्स तिला सतत फॉलो करत होते. मात्र रिया त्यांच्याकडे दुर्लक्ष करत पुढे जात राहिली. जेव्हा ती प्रेवशद्वाराजवळ पोहोचली तेव्हाच थांबली आणि कॅमेराकडे पाहून इथे तर थांबवंच लागतं असं बोलताना दिसली. पण यावरून आता तिला सोशल मीडियावर ट्रोल केलं जात आहे. एका युझरनं लिहिलं, जामिनावर तुरुंगातून बाहेर आल्यानंतर हिला शहर सोडून जाण्याची परवानगी नाही. तर आणखी एका युझरनं लिहिलं, 'ही तर अगदी आरामात फिरत आहे. जसं काही घडलंच नाही. अपराधी नेहमीच बाहेर फिरत राहतील आणि निरपराध मरत राहतील.' या युझर्सनी केवळ रियालाच ट्रोल केलं नाही तर त्यांनी विरल भयानी यांनाही खूप सुनावलं आहे. त्यांनी रियाचे कोणतेही व्हिडीओ सोशल मीडियावर शेअर न करण्याची विनंती केली आहे. रियाच्या वर्कफ्रंटबद्दल बोलायचं तर रिया लवकरच 'चेहरे' चित्रपटातून प्रेक्षकांच्या भेटीला येणार आहे. या चित्रपटात महानायक अमिताभ बच्चन, इम्रान हाश्मी, अन्नू कपूर, रघुबीर यादव यांच्याही भूमिका आहेत. या चित्रपटाचं दिग्दर्शन रूमी जाफरी यांनी केलं आहे.
from Marathi Bollywood News, Marathi Cinema News https://ift.tt/3e8zcty
