मुंबई: वयाच्या १७ व्या वर्षी अभिनय क्षेत्रात पाऊल टाकत फक्त टीव्हीच नाही तर बॉलिवूडमध्येही स्वतःची वेगळी ओळख निर्माण करणारी अभिनेत्री म्हणजे . नुकत्याच दिलेल्या एक मुलाखतीत प्राचीनं तिच्या खासगी आयुष्यावर आणि करिअर प्लॅनवर भाष्य केलं. ज्यात तिनं तिच्या लग्नाबाबतही अनेक गोष्टींचा खुलासा केला आहे. तसेच करिअर चांगलं सुरू असताना मी अजिबात लग्न करणार नाही असंही प्राचीनं यावेळी स्पष्ट सांगितलं. नुकत्याच दिलेल्या मुलाखतीत लग्नाच्या प्रश्नावर प्राची म्हणाली, 'मी एका अशा कुटुंबात लहानाची मोठी झाले आहे. ज्या ठिकाणी मी सध्या स्वतःला लग्नासाठी सुरक्षित मानत नाही. मी माझ्या करिअरच्या कठीण काळातून जात असेन किंवा माझ्या आयुष्यात काहीच चांगलं घडत नसेल तर मी लग्न करेन. पण सध्या ते शक्य नाही.' प्राची पुढे म्हणाली, 'जेव्हा माझ्या मैत्रिणी मला सांगतात की, त्यांच्या घरी त्यांच्या लग्नांची बोलणी सुरू आहेत त्यावेळी मी खूप हैराण होते. कारण माझ्या घरी असं काहीच होतं नाही. मी ऑनस्क्रीन अनेकदा लग्न केलं आहे. पण जेव्हा मी खऱ्या आयुष्यात लग्न करेन त्यावेळी त्या मुलाला प्रत्येक गोष्टीसाठी तयार राहणं गरजेचं आहे. मी माझे विचार आणि माझे सिद्धांत यावर माझं जीवन जगू इच्छिते आणि मला माझं स्वातंत्र्य फक्त लग्नासाठी गमवायचं नाही.' लग्नाबाबत बोलताना प्राची म्हणाली, काही वर्षांनंतर मी नक्कीच लग्न करेन. पण ते सुद्धा कोणीतरी परफेक्ट मुलगा जेव्हा माझ्या आयुष्यात येईल तेव्हाच मी लग्न करेन. जर माझ्या आयुष्यात येणारा मुलगा माझं स्वातंत्र्य तसंच ठेवून माझ्यासोबत आयुष्य शेअर करायला तयार असेल तर मी नक्कीच लग्न करेन. माझ्या कुटुंबानं माझ्यावर कधीच लग्नासाठी जबरदस्ती केलेली नाही. ते माझ्या मतांचा आदर करतात. मी बॉलिवूडमध्येही स्वतःच्या मेहनतीवर वेगळं स्थान निर्माण केलं आहे. प्राचीच्या वर्कफ्रंट बद्दल बोलायचं तर काही दिवसांपूर्वीच ती मनोज बाजपेयीसोबत वेब सीरिज 'सायलेन्स'मध्ये दिसली होती. जेव्हा तिला या मुलाखतीत तिच्या भविष्यातील प्लानबद्दल विचारण्यात आलं त्यावेळी ती म्हणाली, 'एका दिग्दर्शकाचं काम खूप जबाबदारीचं असतं. पण तो जे करतो ते खूपच उत्तम असतं. हे काम अर्थातच खूप कठीण आहे. पण मला वाटतं मी ते करायला हवं. मी भविष्यात दिग्दर्शन करेन.'
from Marathi Bollywood News, Marathi Cinema News https://ift.tt/3t3nEy8