मुंबई: हॉलिवूड अभिनेता ड्वेन '' जॉनसन नेहमीच सोशल मीडियावर चर्चेत असतो. काही दिवसांपूर्वीच ड्वेननं अमेरिकेचा राष्ट्रपती होण्याची इच्छा व्यक्त केली होती. पण आता एक आलिशान घर विकत घेतल्यानं पुन्हा एकदा चर्चेत आहे. WWE चा रेसलर ते अभिनेता असा प्रवास करणाऱ्या ड्वेननं नुकतंच बेवर्ली पार्कच्या जवळ एक आलिशान घर विकत घेतलं आहे आणि यासाठी त्यानं कोट्यवधी रुपये खर्च केले आहेत. रिपोर्टनुसार ड्वेननं हे घर अभिनेता पॉल रेसरकडून विकत घेतलं आहे. त्याआधी हे घर रॉकर एलेक्स यांच्याकडे या घराची मालकी होती. १९९३ च्या काळात ते या घरात राहत होते. पण आता हॉलिवूडमध्ये सर्वाधिक मानधन घेणाऱ्या ड्वेननं हे घर २०७ कोटी रुपयांना विकत घेतलं आहे. ड्वेनच्या या घराच्या आसपास डेनजेल वाशिंगटन, स्ली स्टेलोन, रॉड स्टीवर्ट, एडी मर्फी आणि सोफिया वर्गार या सेलिब्रेटींची घरं आहे. ड्वेन जॉनसनचं हे आलिशान घर २५०० क्वेअर फुटमध्ये पसरलेलं आहे. ज्यात मोठं गेस्ट हाऊस, रिसॉर्ट, टेनिस कोर्ट, दोन स्विमिंग पूल, फुल साइझ बेसबॉल मैदान, फिल्म थिएटर, म्युझिक स्टुडिओ, जिम, एलिवेटर आणि अनेक ऑलिव्हची झाडं आहेत. कोट्यवधीच्या संपत्तीचा मालक आहे. प्रसिद्ध मासिक फोर्ब्सनं २०१८ मध्ये प्रसिद्ध केलेल्या आकडेवारीनुसार ड्वेन जॉनसन जगातला सर्वाधिक कमाई करणारा अभिनेता ठरला होता. फोर्ब्सच्या रिपोर्टनुसार त्यानं १२४ मिलियन डॉलर म्हणजे ८५० कोटी रुपयांची कमाई केली होती. ड्वेन सुरुवातीपासून श्रीमंत नव्हता. २०१८ मध्ये एका इन्स्टाग्राम पोस्टमध्ये त्यानं स्वतःबद्दल सांगितलं होतं जेव्हा त्यानं रेसलिंगच्या विश्वात पाऊल ठेवलं तेव्हा त्याला एका मॅचसाठी फक्त ४० डॉलर मिळत होते. तोच ड्वेन आता वर्षभरात कोटी आणि अब्जवधीची कमाई करतो. 'द सन'नं प्रसिद्ध केलेल्या एका रिपोर्टनुसार ड्वेन जॉनसन तब्बल ३२० मिलियन डॉलर म्हणजे २३५० कोटी रुपयांच्या संपत्तीचा मालक आहे. त्याच्या अलीशान लाइफस्टाइलबद्दल बोलायचं तर त्याला महागड्या गाड्यांची वेड आहे. त्याच्याकडे बऱ्याच महागड्या कारचं कलेक्शन आहे. ज्यात लॅम्बोर्गिनी, फेरारी अशा गाड्यांचा समावेश आहे.
from Marathi Bollywood News, Marathi Cinema News https://ift.tt/3efFc3y
