मुंबई- सोनी टिव्हीवर प्रसारित होणाऱ्या १२ या कार्यक्रमाच्या आगामी भागामध्ये ऑस्कर विजेते संगीत दिग्दर्शक प्रमुख पाहुणे म्हणून येणार आहेत. हा भाग येत्या शनिवारी आणि रविवारी प्रसारित होणार आहे. या कार्यक्रमाच्या सूत्रसंचलनाची जबाबदारी रित्विक धनजानीकडे आहे. या कार्यक्रमातील स्पर्धकांसाठी हा भाग खास असून तो कायम त्यांच्या स्मरणात राहणारा आहे. या कार्यक्रमातील स्पर्धकांनी रहमान यांची गाणी सादर केली. या स्पर्धेतील सर्वात गुणी स्पर्धक याच्यासाठी तर हा भाग विशेष संस्मरणीय ठरला. कारण त्याचे अनेक वर्षांचे स्वप्न या निमित्ताने साकार झाले आहे. आशिषने ‘साथिया’, ‘हम्मा हम्मा’ आणि ‘सतरंगी रे’ अशी एकाहून एक सरस गाणी साक्षात रहमान यांच्या समोर गायली. आशिषने ज्या जोशात गाणी सादर केली ती पाहून सेटवरील प्रत्येकाने त्याचे भरभरून कौतुक केले. ए.आर. रहमान यांनी देखील आशिषने गायलेल्या या गाण्यांचं कौतुक केले.आशीषसाठी रहमान म्हणाले की, 'तू जन्मजातच एक उत्तम गायक आहेस. तुझा आवाज उत्तम तर आहेच शिवाय तुझे सादरीकरणही लाजबाब आहे!' हिमेश रेशमीया यानेही केली स्तुती आशिषच्या सादरीकरणानंतर हिमेशनेदेखील त्याचे भरभरून कौतुक केले. हिमेश म्हणाला, 'आशिष, आज जे काही तू गायला आहेस ते ऐकून तू नक्कीच अंतीम फेरीत पोहोचणार हे नक्की. कारण तू ज्या पद्धतीने गातोस त्यावरून हेच सिद्ध होते. तू आता जी गाणी गायली ती खरोखर कठीण आहेत, परंतु ज्या रितीने ही गाणी सादर केली त्याला तोड नाही.' आशिष भावूक झाला सर्व मान्यवर परीक्षकांकडून अशा रितीने होणारे कौतुक पाहून आशिष भारावून गेला. तो म्हणाला, ' मी स्वतःला खूप भाग्यवान मानतो की तुम्हा सर्वांकडून मला भरभरून प्रेम आणि शुभेच्छा मिळत आहेत. माझ्याकडे 'ताल' सिनेमाची कॅसेट आहे. ही कॅसेट लहान असताना माझ्या वडिलांनी दिली होती. माझे वडील तुमचे आणि तुमच्या गाण्यांचे मोठे चाहते आहे. त्यांनी दिलेल्या या कॅसेटमधील गाणी लहानपणापासून ऐकत आलो आहे. या गाण्यांवरच माझी जडणघडण झाली. आज मी रहमान सरांना एक विनंती करतो की, या कॅसेटवर तुम्ही मला सही करून द्या. तुमची सही असलेली ही कॅसेट मी माझ्या वडिलांना दिल्यानंतर त्यांना खूप आनंद होईल. मी आज जो काही आहे त्यामागे माझे वडील आहेत. त्यांच्याच प्रेरणेमुळे मी आज गायक म्हणून इथे आहे.' आशिषची ही विनंती ऐकून रहमान यांनी लगेचच त्या कॅसेटवर सही करून दिली आणि आशिषला त्याच्या पुढील वाटचालीसाठी खूप साऱ्या शुभेच्छाही दिल्या.
from Marathi Bollywood News, Marathi Cinema News https://ift.tt/3cTS9ka