मुंबई: बॉलिवूड अभिनेत्री सोशल मीडियावर बरीच सक्रिय असते. तिच्या सोशल मीडिया पोस्टसुद्धा अनेकदा व्हायरल होताना दिसतात. पण कोणत्याही मुलाखतीत किंवा सोशल मीडियावर आपल्या खासगी आयुष्याबद्दल कधीच काही बोलताना दिसत नाही. पण आता मात्र तिनं तिच्या एका गुंतागुंतीच्या रिलेशनशिपबद्दल खुलासा केला आहे. यासोबतच तिनं हे सुद्धा स्पष्ट केलं ती एका वाईट रिलेशनशिपमध्ये राहिली होती. फातिमा सना शेख नुकत्याच रिलीज झालेल्या 'अजीब दास्तान्स' या चित्रपटामध्ये दिसली होती. नुकत्याच दिलेल्या मुलाखतीत 'लुडो'मधील आपल्या 'पिंकी' या व्यक्तिरेखेबद्दल बोलताना फातिमानं तिच्या एक गुंतागुंतीच्या रिलेशनशिपबद्दल सांगितलं. फातिमा म्हणाली 'मी तर अजिबात पतिव्रता मुलगी नाही आहे. माझ्यासोबत कोणी असं वागेल तर मी त्याच्या कानशीलात लगावेन.' फातिमा पुढे म्हणाली, 'मी सुद्धा एका टॉक्सिक रिलेशनशिपमध्ये राहिलेली आहे. आपण हे करू शकतो किंवा ते करू शकतो असं म्हणणं खूप सोपं असतं. पण जेव्हा तुम्ही अशा कोणत्या नात्यात असता तेव्हा ते नातं समजून घेणं कठीण होतं. अनेक महिला यातून जात असतात. खासकरून जेव्हा ज्या महिला नोकरी करत नाहीत आणि पैशांसाठी अर्थिकदृष्ट्या पतीवर अवलंबून असतात. एका वाईट लग्नाच्या नात्यातून बाहेर पडणं कठीण होतं.' 'लूडो' चित्रपटात फातिमा सना शेखनं पिंकी नावाची व्यक्तिरेखा साकारली होती. जिच्या पतीचं एक्स्ट्रा मॅरिटल अफेअर असतं आणि नंतर त्याच्यावर एका खूनाचा आरोप लावला जातो. त्यानंतर फातिमाची व्यक्तीरेखा म्हणजे पिंकी आपल्या पतीला वाचवण्यासाठी शक्य असतील ते सर्व प्रयत्न करते. पण फातिमाचं म्हणणं आहे की, रिअल लाइफमध्ये ती स्वतः अजिबात अशी नाही. प्रोफेशनल वर्कफ्रंटबद्दल बोलायचं तर फातिमा सना शेखनं चाइल्ड आर्टिस्ट म्हणून करिअरची सुरुवात केली होती. कमल हसन यांच्या 'चाची ४२०' चित्रपटामध्ये तिनं काम केलं. होतं. त्यानंतर तिनं आमिर खानच्या 'दंगल' चित्रपटातून बॉलिवूड पदार्पण केलं होतं. याशिवाय ती आमिरसोबत 'ठग्स ऑफ हिंदोस्तान'मध्येही दिसली होती.
from Marathi Bollywood News, Marathi Cinema News https://ift.tt/3dQPxUA
