मुंबई: भारतात करोना व्हायरसच्या रुग्णांचं प्रमाण दिवसेंदिवस वाढताना दिसत आहे. अनेक लोकांनी या व्हायरसमुळे आपले प्राण गमावले आहेत. अशात पाकिस्तानी क्रिकेटर शोएब अख्तरचं एक ट्वीट सोशल मीडियावर जोरदार चर्चेत आलं आहे. या ट्वीटमध्ये त्यानं त्यांच्या चाहत्यांना भारताची मदत करण्याचं आवाहन केलं आहे. त्याचा हा व्हिडीओ सोशल मीडियावर व्हायरल होताना दिसत आहे. सध्या भारतातील करोनाची परिस्थिती पाहता पाकिस्तानचा क्रिकेटपटब शोएब अख्तरनं त्याच्या चाहत्यांना भारतीयांची मदत करण्याचं आवाहन केलं त्यानं ट्वीटरवर एक व्हिडीओ शेअर केला आहे. ज्यात त्यानं त्याच्या चाहत्यांना या कठीण काळात मदत करा असं म्हटलं आहे. शोएबनं हा व्हिडीओ शेअर करताना लिहिलं, 'ही एक महामारी आहे आणि यावेळी आपल्या सर्वांनाच एकत्र येऊन लढण्याची गरज आहे आणि सर्वांची मदत करण्याची गरज आहे.' शोएबच्या व्हिडीओवर अभिनेत्री स्वरा भास्करनं आपली प्रतिक्रिया दिली आहे. स्वरा भास्करनं शोएब अख्तरचं कौतुक केलं आहे. तिनं आपल्या ट्वीटमध्ये लिहिलं, 'शोएबजी धन्यवाद. तुमच्या एवढ्या प्रेमळ शब्दांसाठी आणि माणूसकी म्हणून तुम्ही जे करत आहात त्याचं कौतुक जेवढं करू तेवढं कमीच आहे.' स्वराच्या प्रोफेशनल लाइफ बद्दल बोलायचं तर ती काही दिवसांपूर्वीच रिलीज झालेल्या 'भाग बीनी भाग' या नेटफ्लिक्सवर रिलीज झालेल्या वेब सीरीजमध्ये दिसली होती. या वेब सीरिजला चांगला प्रतिसाद मिळाला होता. याशिवाय लवकरच 'जहां चार यार'मध्ये शिखा तल्सानिया, मेहर विज आणि पूजा चोप्रा यांच्यासोबत आणि 'शीर कोरमा'मध्ये दिव्या दत्तासोबत दिसणार आहे.
from Marathi Bollywood News, Marathi Cinema News https://ift.tt/3ayjgQn
