मुंबई- '' मालिकेतून घराघरात पोहोचलेली अभिनेत्री सोशल मीडियावर सक्रिय असते. ती तिचे निरनिराळे फोटो आणि व्हिडिओ चाहत्यांसोबत शेअर करत असते. धनश्रीने वहिनीसाहेब होऊन प्रेक्षकांच्या मनात वेगळं स्थान निर्माण केलं आहे. सध्या धनश्री छोट्या पडद्यापासून दूर आहे. त्याच कारण म्हणजे तिने नुकतच गोंडस बाळाला जन्म दिला आहे. ती सध्या तिचं मातृत्व अनुभवत आहे. परंतु, धनश्रीने नुकत्याच केलेल्या पोस्टवर एका कमेंटमुळे तिचा संताप अनावर झाला आहे. धनश्रीने नुकताच तिचा योग साधनेचा फोटो चाहत्यांसोबत शेअर केला होता. त्यावर चाहत्यांनी तिला स्वतःची आणि बाळाची काळजी घेण्याचं सांगितलं. शिवाय तिला सध्या डाएट न करण्याचा देखील सल्ला दिला. तर दुसरीकडे काही युझर्सनी तिच्या फोटोवर 'तू फुगा झालीयेस', 'तुझा फुटबॉल झालाय' अशा कमेंट केल्या. परंतु, हद्द तेव्हा झाली जेव्हा धनश्रीच्या फोटोवर एका युझरने अश्लिल भाषेत तिच्या स्तनांवर कमेंट केली. त्यामुळे धनश्रीचा देखील संताप झाला आणि तिने त्या युझरला चांगलाच धडा शिकवला. धनश्रीने त्या युझरच्या कमेंटचा स्क्रीनशॉट काढत तिच्या इंस्टास्टोरीवर पोस्ट केला. त्यासोबत लिहिलं, 'हे तुमचे संस्कार आहेत? अशा प्रकारे तुम्ही एका स्त्रीसोबत बोलता? एका स्त्रीला असं वागवता? आणि तुमच्यात इतकीही हिंमत नाहीये की तुम्ही तुमच्या खऱ्या नावाने इस्टाग्राम अकाउंट काढून त्यावरून कमेंट कराल.' सोबतच तिने इतर युझर्सना त्या अकाउंटविरुद्ध तक्रारदेखील करायला सांगितली. महत्वाचं म्हणजे तिच्या त्या पोस्टवरून अनेकांनी त्या अश्लिल बोलणाऱ्या युझर विरुद्ध तक्रार केली आणि आपल्या या इन्स्टाग्राम कुटुंबाचे आभार मानण्यासाठी धनश्रीने आणखी एक पोस्ट करत त्यांना धन्यवाद दिले.
from Marathi Bollywood News, Marathi Cinema News https://ift.tt/3avhU94
