मुंबई : सोनी टीव्हीवरून प्रसारित होणाऱ्या कार्यक्रमात योगगुरू बाबा रामदेव पाहुणे म्हणून आले होते. यावेळी कार्यक्रमात साजरी करण्यात आली. ख्यातनाम लेखक मनोज मुंतशिर यांनी कार्यक्रमातून रामायणाचे विवेचन केलं. रामनवमी निमित्ताने झालेल्या या कार्यक्रमात दानिश खानने गायलेल्या भजनामुळे सर्वजण रामनामात दंग होऊन गेले. दानिशने गाणे सादर करण्याआधी मनोज मुंतशिर यांनी प्रभू रामचंद्राचा राजा होण्याचा हक्क डावलला जातो आणि त्यांना वनवासात पाठवण्याचा प्रसंगाचे विवेचन केले होते. त्यांनी सांगितले की, राजसत्ता हिरावली गेल्यानंतरही श्रीरामांच्या चेहऱ्यावरील हसू कायम होते. वनवासाला जातानाही तिथे त्यांनी आपला आनंद शोधला. या त्यांच्या विवेचनानंतर दानिशने हा सारा प्रसंग त्याने गायलेल्या भजनातून गाण्याच्या माध्यमातून सादर केला. दानिशने यावेळी गायलेल्या गाण्यांनी उपस्थितांना तल्लीन केले. त्याने गायलेल्या गाण्यातून उपस्थितांना पुन्हा एकदा रामकथेचा आनंद घेता आला. दानिशनचे गाणे संपल्यानंतर सर्व परीक्षकांनी उभे राहून त्याचे भरभरून कौतुक केले. त्याचे गाणे ऐकल्यावर योगगुरू रामदेवबाबा म्हणाले, ' मला माहीत आहे की तुमच्या वडिलांना तुमचा किती अभिमान आहे आणि तुम्ही त्यांची सेवाही करता. त्यांचे पायही चेपून देता. ही खूप चांगली सवय आहे.' नेहा कक्कड म्हणाली, ' दानिश तुम्ही ज्याप्रकारे हे गाणे सादर केले आहे ते खरोखरच कौतुकास्पद असे आहे.' तर विशाल ददलानीने दानिशचे कौतुक करताना म्हटले, 'मोहम्मद दानिश तुम्ही ज्या पद्धतीने हे गाणे सादर केले ते ऐकून पुन्हा एकदा जाणवलं की आपला देश किती सुंदर आहे.'
from Marathi Bollywood News, Marathi Cinema News https://ift.tt/3tDAoeX
