मुंबई: सलमान खानचा बहुचर्चित चित्रपट ''चा ट्रेलर अखेर प्रेक्षकांच्या भेटीला आला आहे. जेव्हा या चित्रपटाची घोषणा झाली तेव्हापासूनच या चित्रपटाची सोशल मीडियावर जोरदार चर्चा सुरू होती आणि आता या चित्रपटाचा धमाकेदार अ‍ॅक्शन ट्रेलर नुकताच रिलीज झाला आहे. ज्यात आणि रणदीप हुड्डा यांच्यात दमदार टक्कर पाहायला मिळलं आहे. ट्रेलरची सुरुवात होते ती रणदीप हुड्डा आणि मुंबईतील ड्रग्स डिलिंगपासून ज्यामुळे शहरात खूपच गोंधळ झालेला आहे. रोज नवा क्राइम घडताना दिसतो आणि या सगळ्याला रोखण्यासाठी होते सलमानची एंट्री. ट्रेलरमध्ये सलमानची दमदार एंट्री, धमाकेदार डायलॉग आणि जबरदस्त अ‍ॅक्शन सीन्स पाहायला मिळत आहेत. या ट्रेलरमध्ये रणदीप हुड्डा खलनायकाच्या भूमिकेत आहे तर अभिनेत्री एका निरागस मुलीच्या भूमिकेत दिसत आहे जिचं नाव दिया आहे. या चित्रपटात दिशा आणि सलमान 'भारत' नंतर पुन्हा एकादा एकत्र काम करताना दिसणार आहेत. दरम्यान ट्रेलर रिलीजच्या आधी सलमान खाननं या चित्रपटाचं नवं पोस्टर शेअर केलं होतं. ज्यात तो हातात गन आणि काही लोकांसोबत अँग्री लुकमध्ये उभा असलेला दिसत आहे. हे पोस्टर शेअर करताना सलमाननं लिहिलं, 'येत आहे तुमचा मोस्ट वॉन्टेड भाई' खरं तर कोणत्याही चित्रपटाच्या ट्रेलरआधी त्याचा टीझर रिलीज होतो मात्र या चित्रपटाचा टीझर आलेला नाही. या चित्रपटात सलमान खानसोबत दिशा पाटनी, रणदीप हुड्डा आणि जॅकी श्रॉफ महत्त्वपूर्ण भूमिकेत आहेत. या चित्रपटाचं दिग्दर्शन प्रभूदेवानं केलं असून हा चित्रपट येत्या १३ मे ला थिएटरसोबतच Zee5 या ओटीटी प्लॅटफॉर्मवरही रिलीज होणार आहे.
from Marathi Bollywood News, Marathi Cinema News https://ift.tt/3sGr7l8
